Lifelog App 增強版
首先除左發佈新產品之外今次 CES 2015 上面 Sony 亦都特地提到佢地為上年推出的 Android app Lifelog 大幅更新,呢隻 app 簡單來講就係一隻集合左健康同埋娛樂功能的個人管家 app 。今次主要更新就係為 Lifelog 帶來左網頁版,方便用戶透過平板或者 Smart TV 登入使用。 Sony 仲話 Lifelog 會同其他 app 合作以加入更多功能,例如同 IFTTT 合作就可以將 Lifelog 連接去其他用家常用嘅 app ;以及同 Withings 合作,令用家可以係使用 Withings 產品同時係 Lifelog 上監察用戶健康指數等等。除左大幅更新 Lifelog 之外,最值得留意就係 Sony 宣佈同維珍航空( Virgin Atlantic )合作研發 SmartWear 相信未來幾個月會有更多消息。而會上亦都展示左其中一部原型機 Smart B-Trainer 。呢部防水多功能耳機主要針對運動員市場,特別之處係除左支援音樂播放之外,呢部耳機仲裝置備有多個感應器並且將會支援語音訓練,因為目前仲係研發階段, 更詳細資料就要遲啲先有啦。
▲ 上年 Sony 就出左智能手錶同手帶,今年就到耳機了。
講到呢到,相信唔少心水清的朋友其實都已經知道版主想講乜。無錯,係 CES 2015 上面其實 Sony 已經好明顯咁話左俾大家知係未來呢年,智能運動市場將會係佢地其中一個發展重點,雖然 Sony 對 Fitness 市場有興趣都唔係今日嘅事,早係上年都有一堆以健康先決做賣點的產品好似 Sony SmartBand Talk ,而 SmartWatch 3 亦都有唔少針對健康的功能等等,但明顯見得到今年 Sony 真係認真起黎。最終 Sony 能否令智能運動產品成為佢地力挽狂
瀾的關鍵其實真係好難預計。
▲ 順帶一提,係 CES 2015 上, Sony 亦都推出左同 Roxy Crossover 的 SmartBand ,唔知大家又 buy 唔 buy 呢?