第一回合： 最重要就係輕便！重量方面 New Macbook 完勝啊！
New MacBook 叫得最薄最輕，當然係便攜性方面會贏，但係贏幾多就係關鍵啦，我地就用數據去比對。以 MacBook Air 11 吋與 13 吋的厚度相等，都是約 17mm ，而 New MacBook 的厚度是 13.1mm ， 大約薄了 24% ，這 24 % 對於要把 MacBook 放背包既人影響未必好大，但如果係放 Messager Bag 之類就是一個大差異了。重量方面 New MacBook 重 0.92 KG ，比起 11 吋的 MacBook Air 1.08KG 輕了約 16% ，實際上輕了接近 200g 大約是一部 5.7 吋手機左右吧，不太誇張，但比起 13 吋 MBA 的 1.35KG 輕了 400g ，這是一部 iPad Air 2 的份量，可以係袋放多部 10 吋平板啵，都咪話唔緊要。至於 MacBook Pro 系列就不用比了，點比都係顯得 New MacBook 誇張地輕
。
▲題外話：我地又不如比對下 MicroSoft 既 SurFace Pro 3 ，未連 Keyboard 時重 800g 是比起 New MacBook 更輕，亦有全尺吋的 USB 與 Micro-SD 讀卡器，但那個 Keyboard 與 TouchPad 的操控性…我最少都要帶多隻滑鼠先用到
第二回合：操作方面加入更多動作真係好？
根據版主既經驗， MacBook 用的 Track Pad 真係好用過 Windows 的 Notebook 上面既好多，無論敏感度、手勢功能同埋流暢度都冇得輸的（當然版主可能未感受過更強大的，有更好的麻煩網友提供，我一定去試）。今次係 New MacBook 加入有壓力感應的 TrackPad 同埋改變了鍵盤的結構（採用了蝴蝶式什麼的，總之就是薄了 40% 啦），版主未試過唔知打字／操作有咩特別好用，但可以分享少少個人感想。係 TouchPad 上面加入壓力感應的產物是一個叫 Force Click 的功能，而我的習慣是「按壓」 Track Pad 去操作「右鍵」，所以感覺這個 Force Click 會和我使用習慣衝突到，加上展示出來「即時找 WikiPedia」、「看 Apple Maps 」與「看影片時直接加速」也不是常用的功能啊，需要更多程式去為 Force Click 設計動作，這方面才會有用。另外，反正 13 吋的 MBP with Retina Display 都有了，這方面 New MacBook 不佔很大優勢。
▲佢講到個 Track Pad 好好按，版主好有按下去的衝動（現在的也不特別差…）
第三回合： 屏幕、處理器、硬件方面邊個強？
來到第三回合，當然要同大家講下規格方面。New MacBook 採用了 12 吋 2304 x 1440 解像度 Retina 屏幕，完勝了舊一代的 1600 x 900 ，像素量大約是 1.5 倍左右，單講論銳利度是有優勢的，然而它採用的是 Intel Core M 而不是 Intel i5/i7 處理器，耗電量低的同時，運行速度亦理論上會較慢，不過佢基本款都配合 8GB RAM 與 256GB SSD ，究竟算強定係算弱呢？另一方面， MacBook Air 與 MacBook Pro 都更新了第 5 代的 Intel i Core 處理器， Graphic 升級做 Intel HD Graphics 6000，這方面是有得比較下的。版主們經常寫稿要做圖、剪片，對規格方面睇法係咁的：如果是單純的 2D 圖像如 PhotoShop 、Lightroom 等，處理器效能不用頂級都可以做得好快，重點是 SSD 的讀取速度與 RAM 夠唔夠，發現一邊上網一邊做圖是幾食 RAM 的一件事；但如果講到大量剪片、打機、大型圖像運算，恐怕低巧耗的 Intel Core M 就會有點吃力了。版主要再講多次 Intel Core M 並不只是「文書機」的等級，畢竟它是支援到 3840 x 2160 的超高清輸出啊，但剪片就要等耐啲囉。
有朋友亦提出， New MacBook 個鏡頭係 480p 的 FaceTime 鏡頭，真係遠古時代既產物，加上你得一個 USB-C ，要外接 WebCam 都麻煩啦。連 HD 對話都做唔到，真係買唔落手，最少要等第二代。唔知有幾多網友有同感？
▲ 其實 Intel Core M 的重點還是在低耗電，帶來上網有 9 小時（官方數字）的續航力，某程度上是方便的。
第四回合：連接性方面對於工作也很重要！只有 USB-C 真的…
半夜見到網友討論得最厲害既，就係 New MacBook 的唯一一個 USB-C 連接埠的問題，隨便都可以講到一大堆唔方便；例如：需要 SD 卡槽過槽過唔到、要幫手機充電要用專用線／外接轉換器、充電的時侯無法過資料，反之亦然；版主亦覺得這「一千零一個」 USB-C 就是入手 New MacBook 最大的一個心理關口了，畢竟每日我都是用 iPad 連著線上網，用 USB 去為手機／相機／ReCamrea 充電；用 MacBook 13 吋上而的讀卡器過相，其實對於媒體工作者來說，這個設計是相當沒有效率的。再諗深一層，如果要買一個轉接 Port 的話，USB-C > USB 接口最平都要 $148 ，而 USB-C 轉 HDMI + USB 就要 $588 ，變相就為 MacBook 「加價」。如果只靠 Wi-Fi 與藍牙的話，還是有太多相機／手機不方便啦，你估人人都用 iPhone /iPad 有得 AirDrop 咩（更不用說速度），我認為入手之前最需要考慮係呢一點。（如果你話你咩都可以靠雲端既／Wi-Fi 既，咁真係冇問題
）
▲如果買佢薄係為左貪佢「型」，要插 USB 加多個 Port 就相當唔型了…但佢有多一組 USB-C ，可以一邊過資料一邊充電
第五回合：最實際的，就是價錢方面
去到最後一個回合，大家都談性價比既時侯當然係講「價錢」呢一方面啦。假如我地買一部 11 吋 MacBook Air ，選擇 256GB SSD 版本再將升級到 8GB RAM ，價錢將會是 $8,968 ；而 13 吋 MacBook Air 同樣選取 256GB SSD 配 8GB RAM ，價錢會是 $9,768 ，相對於 New MacBook 同樣 RAM 跟 ROM 的價錢 $9,998 相差不算太遠，有更輕的機身、更高清的屏幕的同時放棄了 I/O ，真係算得上「有辣有唔辣」。| 型號 | New MacBook | MacBook Air 11 吋 | MacBook Air 13 吋 |
| 價錢 (256GB + 8GB) | $9,998 | $8,968 | $9,768 |
| 比起 NewMacBook 相差 | ／ | 平 $1,030 | 平$230 |
如果用 512GB 價錢去比對呢？大家會發現 MacBook Air 13 吋擴充到 512GB SSD 反而仲會比起 New MacBook 貴 $110 （都要補充句，仲未計 USB-C 轉接頭），而 MacBook Air 11 吋就平大約 $690 ，始終高階版就貴在 512GB SSD 度啊，如果需要去到 512GB SSD ，相信都係成日入資料既人，那個 USB-C 方唔方便到你的確更加重要啊！
| 型號 | New MacBook | MacBook Air 11 吋 | MacBook Air 13 吋 |
| 價錢 (512GB + 8GB) | $11,998 | $11,308 | $12,108 |
| 比起 NewMacBook 差 | ／ | 平 $690 | 貴 $110 |
版主小結：有幾多網友會做「死士」去衝？冷靜下先啦
朋友們討論左一晚，都認為第一時間去衝新 MacBook 的人應該會是「死士」，真係要好好試下單一 USB-C 有幾唔方便你先知道有幾「伏」。係打完呢篇文之後，版主 Eddie 也開始稍為退燒了。沒錯 900g 的輕盈、續航力比起手上的 MBA 更好，亦有更好看 Retina 屏幕，就算要換機選擇它亦不會比起 MacBook Air 差很遠（同規格而言，當然你入手 4GB RAM 、128GB SSD 就夠用是很便宜啦），所以真係要換機仍然會採扎一下啊。係「冷靜」期間，版主將背包的工作用品拿出來，發現我最需要的是一個 SD 卡槽 + 一個 USB 槽，這是新一代 MacBook 無法提供給我的事情，加上大頭蝦既版主經常唔記得帶 SD 卡讀卡器，帶新一代 MacBook 去工作似乎「出事率」都會很高，基本上就退燒了，唔知有冇網友又係比我「勸退」呢？