▲ 唔講唔知，Apple Watch 主要分 3 個版本：Sport、Watch 與 Edition，三個系列主要以材質作驅分，夾埋 38mm 與 42mm 大細及不同款式錶帶，共有約 38 個款式你揀。Sport 入門價為 HK$2,728，Watch 入門價為 HK$4,228，Edition 入門價為 HK$78,800，最貴一款：$129,800。保養呢？Apple Watch 與 Sport 跟 iPhone 一樣，有 1 年原裝保養，90 日免費支援。花得起七萬八蚊買 Edition 版本，你隻 Apple Watch Edition 會有兩年保原裝保養及免費支援，係 Apple 產品線裡，無記錯係最長。圖中應該係 Apple Watch 42mm 配經典扣式錶帶，呢款錶賣 $5,488。
Apple Watch 操作與功能 由圖片開始
Apple Watch 有三款：Sport、Watch 及 Edition，售價由港幣二千七至十二萬都有。這個價錢分別，跟手錶功能無關。因為 Apple Watch 實際只有 38mm 及 42mm 版本，當中的操作、功能、介面全部一樣。賣價分別就係不同版本的用料不同。十二萬八千版本，用 18K 金製作，一件高科技珠寶嚟架。
▲ 左面是 Apple Watch 鋼鐵手環版本，賣 $5,088 起 (38mm)；右面是 Apple Watch 配黑色運動錶帶，賣 $4288 (38mm) 起。
▲ Apple Watch 配合同色調嘅皮革手環，賣價 $5,488 (38mm)
▲ Apple Watch 與 Apple Watch Sport 有乜分別？圖中是 Apple Watch Sport，入門價為 $2,728。價錢較平是因為用鋁為手錶材質，而錶面使用 ION-X 玻璃。
▲ 而 Apple Watch 是採用不鏽鋼機殼、藍寶石水晶、有 Retina 顯示器也用上陶瓷錶底。圖中為經典黑色及白色錶帶，都要 $5,488 一隻起嘅價錢。
三大功能
買 Apple Watch 用來做乜？Apple 跟大家講主要有三個功能。首先，Apple Watch 係錶，用來睇時間，所以有很多 Watch Face 選擇。而 Apple Watch 要跟 iPhone 連動，iPhone 用來上網，所以一個 Watch Face 也可以包括天氣、地址，任何可以由 Internet 帶嚟嘅資訊，就睇睇 App Developer 點樣寫。亦因為跟 iPhone 連動，Apple Watch 可以讀到你手機聯絡人資料，你可以利用 Apple Watch 傾電話、Send 短訊，但最好玩係兩個 Apple Watch 用家，互傳手繒圖案傳情。最後，就好似 iPhone 咁，睇下 App developer 寫乜 App 囉，示範包括不同的 Fitness Sport 應用，生活一點係用 Uber App 叫的士、做酒店 Room Key，最誇張佢可以當係 Apple Pay 嘅 Device，裡面已有信用卡資料，一拍即俾錢。Apple Watch 亦可以跟 iPhone 裡面聲控 Siri 系統連結，你係 Apple Watch 叫出 Siri，指令他攪掂唔同 Setting，報天氣，查交通，你叫得出 Apple Watch 也聽得到。再講一句，要發揮 Apple Watch 最大功能，一定要跟 iPhone 連動。相比其他用藍牙接駁手機嘅其他 Smart Watch，Apple Watch 更會用上 WiFi 連結。而 Apple 聲稱 Apple Watch 用到 18 小時，係定唔係，今日嘅外國網站 hands On 唔多見有講。
▲ Apple Watch 無論 Sport、Watch 定 Edition，都係用上 Retina 顯示屏。介面就係錶面及兩個掣。錶面支援 Force Touch 操控，而機側圓形叫 Digital Crown，下面是 Contact Button。
▲ Digital Crown 其實是旋轉操作，用手指令改變屏幕位置。當然，你亦可以用手指在屏幕撥動嘅。而只要按 Contact Button，進入電話簿，你可以揀選朋友的 Contact，即時 Send 短訊或在手機更他談話。
▲ Apple Watch 有不同 App 去輔助，介面以圓形波波為主。波波 Size 可以放大或縮細，錶面中間是被撰選嘅功能。
▲ 點樣操作 Apple Watch? The Verge 嘅 Hands On Video，做得幾好。
外國評論：The Verge : not immediately intuitive.
百彈網站 The Verge 用了「not immediately intuitive」形容 Apple Watch。Intuitive 呢個字，係唔少外國手機 review 出現過，代表介面反應好好，但 The Verge 作者加了 Not immediately 原來它覺得 Apple Watch 嘅電子Digital Button) 與之下嘅 Contact Button 令不太 Techie 嘅用家有點混亂，操作亦不及 iPhone 簡單兼缺乏指示。其實只要大家習慣一下，會覺得 Apple Watch 嘅 UI 係好 intuitive。
評論：Slashgear : they all felt solid and well-made
Slashgear 網主是果迷是不爭嘅事實，對於 Apple Watch 都係有讚無彈。Hands On 裡面主要都係講述 Apple Watch 不同功能，但對於外型與機身，作者說無論三個版本，平與貴，都一樣做得好實在，製作得很好。相信只想買平價 Sport 版嘅網友，睇了呢個留言，應該幾開心。
評論：Mashable : Good looking and smart, too
Mashable 是一個介乎 Tech 與流行文化嘅網站，編輯對 Apple Watch 也是讚口不絕，不同功能都有介紹及正評，亦叫潮人一定要試。
資料來源: Apple HK、Mashable、Slashgear、The Verge