唔洗出街都可以買到最新鮮嘅食物! Honestbee 進軍香港市場!
|
科技新知
Honestbee 於數日前 (10 月 16 日) 宣佈將會在香港推出首個網上百貨按需專送服務,同新加坡果陣一樣,由 Honestbee 嘅購物專員幫你去店舖內挑選貨品, 大約一個小時左右就能夠將新鮮嘅食品送到你手上,為你帶來方便、人性化嘅速購體驗。
喺 Honestbee 購物嘅方法好簡單,首先你要上 Honestbee香港網站 註冊,之後你只要輸入送貨地址,咁就可以開始選購任何合作商戶嘅貨品。完成選購之後你就可以按照你嘅需要,選擇送貨嘅時段,確認訂單之後,購買專員就會即刻為你喺店內幫你挑選貨品,假如咁啱你想要嘅野無貨,佢地就會即時聯絡你,為你建議其他替代物品,到時你可以再自行決定買定唔買。
Honestbee 喺香港推出初期,送貨服務將會涵蓋中環及半山區,目前嘅合作商戶有 Anything But Salads、Liquor & Liqueur、Gateway 及 Great Food Hall,未來將會有更多的合作商戶。
▲ 暫時合作商戶有四個,日後將會愈來愈多。
版主覺得呢項服務真係唔錯,除左可以更方便地購物之外,佢地嘅服務仲充滿互動性,能夠滿足到客戶嘅需要。不單如此,Honestbee 嘅購物專員全部都經過專業培訓,可以幫客戶選購最新鮮嘅農產物、蔬果、魚同肉等,讓客戶可以放心使用佢地嘅服務。唔知大家對於呢項服務有咩睇法呢? 留言講下啦!