巧威威! 未來級數頭戴 AR 裝置 HTC 推 VIVE Pre 升級版
|
科技新知
穿戴更舒適,屏幕更清晰
大家要記住,雖然都係頭戴裝置,但 HTC VIVE 唔係運用 VR (Virtual Reality),而係VR + AR (Augmented Reality 擴增實境),簡單來說,當你戴起 HTC VIVE,成個人就進入未來級嘅虛幻世界,裡面玩 Game 又得、作「樓盤傳真」睇示範單位又得。版主同大家提過 HTC 在台灣舉行民間體驗活動,唔知大家有無趁住聖誕假期去旅行,順便玩下呢? 當時台灣版主曾經親身體驗過,講到尤其玩喪屍 Game 的時候,感覺最為逼真、刺激、震撼,搞到版主我都好想玩下! HTC 今日 5/1 宣佈推出 HTC VIVE 升級版 VIVE PRE。經過不斷改良後的 HTC VIVE PRE ,VIVE PRE 上全新的吊帶能夠提升穩定性與平衡,讓使用者配戴的時候更舒適。此外,在視覺系統上亦有所改進,顯示屏變得更光亮,而且圖像更清晰,層次感更深。HTC VIVE PRE 能夠簡單地針對不同的面型進行調整,讓你有一個最舒服的遊戲體驗。另外,HTC VIVE PRE 能夠兼容不同的眼鏡,就算唔洗除眼鏡,都可以戴上頭戴裝置,進行遊戲。
▲ 你可以見到佢上方有一條吊帶,戴的時候可以更加穩定同埋平衡。
改良前置鏡頭,能夠隨時切換虛擬與現實
簡單啲黎講,HTC 對 VIVE PRE 的前置鏡頭進行了改良,讓你可以按需要隨時切換畫面,由虛擬至現實,由現實至虛擬,比之前更方便。例如你戴住 HTC VIVE PRE 喺度打機的時候,覺得口渴想飲杯水,你可以連頭戴都唔洗除,就可以在頭戴的顯示屏裡見到現實的情況,飲完水之後,可以再將顯示畫面切換番至虛擬世界入面。
除左鏡頭之外,手掣亦有改良...
HTC 亦為 VIVE PRE 的手掣進行檢修和改良,能夠更符合人體工學,平衡性更高,而且按鈕及把手墊部份採用了全新的質感,令你拎上手的時候更加好揸手。另外,全新的雙扳機以及設有觸覺的反饋,能夠更逼真更流暢的與虛擬世界中的角色互動。至於電量方面,手掣採用了鋰離子聚合物電池,能夠透過 microUSB 進行充電,續航時間大約有 4 小時左右。(溫馨提示:啱啦! 玩到無電,當俾自己休息一下囉! 長期對住屏幕對眼睛都無益啊! )
▲ 改良後的手掣手感更佳,並可以用 microUSB 進行充電。
HTC VIVE PRE 其實係開發者版本,會係首款能夠支持 SteamVR 的 VR 裝置,而 HTC 亦同 Valve 合作,創作不同類型的 VR 遊戲內容。有關 HTC VIVE 的售價尚未有消息,目前只知道,HTC 計劃 VIVE 大眾版本,將會在 4 月正式開賣。唔知大家對於 HTC VIVE 呢款頭戴有無興趣呢? 留言分享一下啦!