版主開箱試玩: 魔音大師 Q9 K 歌咪,到底有幾正?
|
科技新知
「升級版」Q7? 魔音大師 Q9 開箱睇真 D!
先介紹一下呢枝魔音大師 Micgeek Q9 K 歌咪。在外型上並不是好似途訊 K068,真係成枝喇叭咁,而係酷似價錢比較貴價的途訊 Q7。版主好鍾意呢種設計呀!的確靚過 K068 好多!Q9 同 Q7 相比,兩枝咪的功能基本上都大同小異,可以調校的選項亦差不多。比較 Q7 同 Q9,Q9 同樣具備開關鍵、高低音、音量、伴奏、混響 (Echo) 等調校項目,而且兩者在咪的底部,都設有 USB 插槽,能夠插入 USB 手指,播放 MP3,亦都具備播放、暫停、上一曲、下一曲等功能,並可以選擇連接的裝置是 Android 抑或 iOS。不同的,只是按鍵的位置。顏色方面,有黑、金、粉三種顏色。
▲ 開箱!魔音大師 Q9 的包裝係咁的。
▲ 包裝上貼住貼紙,寫住香港代理 Rainbow Company 原廠正貨,有一年保用。
▲ 拉開拉鏈,會見到入面有支 Q9、說明書、USB 充電線以及 3.5mm to 3.5mm 耳機線。
▲ 其實支魔音大師 Q9 係有三種顏色,分別為金、黑以及粉紅。版主我個人就比較中意黑色,好似好型咁。
▲ 正面會有魔音大師的 Logo。
▲ 同途訊支 Q7 一樣,左右兩邊都係喇叭位置。
▲ 至於另一邊就有專業調音臺,有高低音、混音、伴奏、音量等選項,可以隨你喜歡調校。
▲ 下方會有個 microUSB 插槽,可作充電用途。
▲ 最底位置會有個 USB 插槽,可以俾你插手指,播放手指入面的 MP3 檔。
魔音大師 Q9 試後感
你問魔音大師 Q9 正唔正呢?老老實實,一分錢一分貨,你唔好期望真係會有專業級的享受。但整體試用過幾日,感覺又確係會比我自己果枝途訊 K068 更出色。首先開始試玩之前,同樣你要用藍牙將 Q9 同部手機連接好先啦 (雖然枝咪唔需要連接藍牙,都一樣可以當普通咪用),連接左之後,你需要一隻 K 歌 App,例如天籟 K 歌、歡唱等等。
咁版主我習慣用天籟 K 歌,咁試過枝咪之後,發現 Q9 的音樂播放方面相當大聲,所以屋企唱 K 的時候,基本上可以唔需要校到最大聲,呢個都係呢枝 MIC 的優點。要數缺點的話,可能就係人聲唔夠入咪,當你唱得大聲的話,聽到嘅聲音會有少許「刷」。但整體來說,都係果句,你要同專業咪比較,Surely Lose!但如果當佢係一件玩具,係屋企玩下,我會覺得呢枝 MIC 算係俾到版主唔錯的體驗。唔知網友又會唔會有興趣買枝黎玩下呢?
▲ 純粹試玩,版主唔識唱歌別見笑
魔音大師 Q9 資訊
賣價: $399 (香港代理 Rainbow Company 定制版)
查詢: K Digital 奇數碼