主題:NowTV 隨身App 升級!VR睇比賽無難度

  • 發表時間:2017-04-19 17:31 收錄檢舉


    自從 Netflix 喺上年年頭登陸香港時,加上 ViuTV 開台時已經可以使用 Apps 黎睇電視甚至可以追睇劇集,已經為香港人嘅睇電視習慣改變,即使上年 NowTV 都有推出隨身睇都未到全面嘅功能,日前記者會除左講左2017年第二季節目巡禮之外,仲表示會推出升級版 Now 隨身睇應該用程式,即使出街都可以睇到 NowTV 節目。

    NowTV 隨身App 升級!VR 睇比賽無難度

    升級左的確係升級左,升級版 Now 隨身睇,使用左全新介面,當中可以睇到7日節目表,而且觀眾亦可建立個人影片資料庫 MyNow,建立個人觀看喜好等,App 另外可以預先下載離線觀看節目,有時拎出街可以省到好多Data 添,有時想睇節目無時間嘅,都可以用 App 預先錄影,到時重溫又得。想放喺大電視到睇,升級版 Now 隨身睇可以支援 AirPlay 投射上電視到睇(但點解唔用機頂盒睇 ?),不過有機頂盒嘅,App 就可以變身做機頂盒搖控,直接咁講今次升級真係升左另一個層次。

    NowTV 隨身App 升級!VR 睇比賽無難度
    ▲ App 已經支援搖控功能

    此外,NowTV 表示未來會推動 VR,剛過去嘅七人欖球賽 NowTV 已經使用了 VR 直播賽事,只要使用 Now 隨身睇就可以睇到 VR 片段,小弟都問過 VR 普通手機放入頭套之外,HTC Vive 都可以睇到更高畫質嘅片段,未來將會支援 PlayStation VR 觀看,此外 NowTV 嗰邊都講左未來香港本地重點賽事都可能會有 VR 拍攝,相信日後睇賽事更加貼近現場氣氛去睇。

    NowTV 隨身App 升級!VR 睇比賽無難度
    ▲ 用Now 睇 VR 無難度

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁