主題:係香港用 Samsung Pay 俾錢!有免費咖啡!

  • 發表時間:2017-04-26 18:44 收錄檢舉
    香港人其實好實際,理得你 Apple Pay、Andorid Pay,用手機,定用八達通俾錢,只要有著數,都㑹有人試!早前 Apple Pay 同 Android Pay 係香港推出,唔少銀行推出優惠,最記得 Apple Pay 推出剛剛預著 iPhone 7 開賣,優惠就係平幾舊水! Samsung Pay 今日係香港正式推出,你有指定三星手機,用開有份參予的銀行的信用卡,就有著數!請你飲咖啡事少,得免費 Samsung GALAXY S8 手機事大!點様攞,點様用?我教你!

    係香港用 Samsung Pay 俾錢!有免費咖啡!

    只要碌到卡,就可以 Samsung Pay
    Apple Pay、Android Pay 包括埋今次講嘅 Samsung Pay,都係用手機,擺係收錢位拍一拍,過數!情況同用八達通付款相差無幾。不過,目前 Apple Pay 同 Android Pay 都要間商戶有 NFC 付款機先用得!你去 McDonlod、七仔、KFC 當然無問題,但亞毛時裝、牛頭角扒房,只有傳統信用卡碌卡機,就真係乜 Pay 都無用,乖乖攞你張信用卡出來!

    Samsung Pay 最痴線嘅地方,支援 NFC 付款機外,仲用上一個叫磁訊號專利技術(MST)模擬信用卡刷卡嘅過程,即係你把支援 Samsung Pay 嘅手機,放係傳統信用卡碌卡機旁,碌卡機會自動感應,完成付款。所以係亞毛時裝、牛頭角扒房,呢 D 只有普通碌卡機嘅商戶,都可以接受 Samsung Pay 啦!
     

    支援多個保安技術

    用 Samsung Pay 其實都好安全架,對家 Apple Pay 除左有指紋認證同 PIN code 認證,Samsung Pay 就支援埋獨有嘅虹膜識別認證添 (只限 S8、S8+) ,唔見左電話就可以利用返 Samsung 「尋找我的手機」移除 Samsung Pay 張信用卡添,絕對唔難搞。

    係香港用 Samsung Pay 俾錢!有免費咖啡!
    ▲ 圖中中間的信用機,只要把支援 Samsung Pay 手機放埋去,可以付款。當然,如右圖,係 7-11 都見到嘅 NFC 付款機,都會支援 Samsung Pay。

    今年第2季就有得全面使用
    Samsung 表示今日起就用得到,但呢次㑹係先導計劃,部份三星手機用家,可即日使用。真正全面推出,要今年第二季就㑹正式計劃,而初步黎講目前只要揸緊美國運通(Americian Express)(Android Pay 沒支援 Andorid Pay,但支援 Samsung Pay、中國銀行(香港)、花旗銀行、大新銀行、星展銀行及渣打銀行嘅 Visa 同 Mastercard 信用卡就可以用到 Samsung Pay,而香港最多人用嘅滙豐同恒生就.....要等下啦。今日起,你只要係美國運通(Americian Express)、花旗銀行、大新銀行及渣打銀行就可以在立即登記,率先體驗。
     

    只有 Samsung Flagship 機先用到

    不過目前只有 Samsung Galaxy S 系列及 Galaxy Note 系列先可以用到 Samsung Pay,包括 Samsuun Galaxy S8+ , Galaxy S8, Galaxy S7 Edge, Galaxy S7, Galaxy S6 Edge 同 Galaxy Note5。

    係香港用 Samsung Pay 俾錢!有免費咖啡!
    ▲ 香港呢幾間銀行嘅 VISA、MasterCard 支援 Samsung Pay。特別留意,Androoid Pay 係無 AE 卡嘅,但 Samsung Pay 有。若你係 AE 卡用家,可能要買部 iPhone ..或者三星手機了。

    係香港用 Samsung Pay 俾錢!有免費咖啡!
    ▲ 唔係部部三星手機都用 Samsung Pay,呢六部  ok!


    優惠數一數

    你有上一面嘅 Samsung 手機,立即係 Samsung App 下載 Samsung Pay 並進行登記,便有機會於活動推廣期內得以下優惠,包括:
     
    001 - 凡於活動期內於合資格的三星流動裝置上使用 Samsung Pay 進行最多支付交易次數的用戶,可獲獎品。活動分兩期進行,分別由 2017 年 4 月 26 日至 5 月 9 日,及 201 7年 5 月 10 日至 5 月 24 日。獎品包括:第一名:64GB 版Samsung Galaxy S8+ 一部。第二至第八十九名:Samsung Gear IconX 藍牙耳機一個
     
    002 -首一千名消費獎賞:由 2017 年 4 月 26 日至 5 月 24 日,首一千名成功以 Samsung Pay 進行支付交易的用家,即可獲得 Pacific Coffee 電子咖啡現金券(價值:HK$25)一張。每一部裝置只限獲獎一次

    立即加入Facebook 專頁,新聞/消息/優惠,最快知。

    01樓 ▲TOP 回列表頁