主題:50m 水深都用得!三星智能手錶 Gear Sport 上手評測

ePrice HK
  • 發表時間:2017-09-28 19:10 收錄檢舉
    問大家一個問題:你覺得智能手錶實唔實用?對於版主來說,智能手錶除左可以睇時間,平時有朋友 Facebook / Whatsapp 我,我亦都可以唔使再拎部電話出黎,直接在手錶上睇到個 Message,某程度上確係實用的。而三星推出的智能手錶,更可以在錶面上用筆劃輸入法打字,即時回覆訊息,相當方便。今日三星再在香港推出了一款全新的智能手錶 - Gear Sport,又有甚麼特別的地方呢?就等版主立即簡單上手評測一下。

    50m 水深都用得!三星智能手錶 Gear Sport 上手評測
     

    1.2 吋錶面,Gear Sport 細得嚟但幾靚仔?

    三星 Gear Sport 給版主的第一感覺是:屏幕不太大。相比現有的 Gear S3 Classic,Gear Sport 只係比 Gear S3 Classic 屏幕細 0.1 吋,屏幕尺寸為 1.2 吋,解像度則為 360 x 360,但唔知係咪因為版主用慣左 1.56 吋第一代 Moto 360 的關係 (多謝 YK 仔~XD),而家用返 1.2 吋,覺得隻 Gear Sport 幾細下。不過,大有大的好,小有小的好,總會有佢嘅市場,而且望落個樣,都唔係好差啫~唔知你又認唔認同呢?

    三星 Gear Sport 具有黑、藍兩種顏色,當然,用家亦可以因應需要和喜好,自行為 Gear Sport 配上專屬的矽膠錶帶或其他標準的 20mm 錶帶。同以往的三星智能手錶一樣,Gear Sport 都是具有齒狀的轉盤,透過轉動轉盤,可以查看手機上的通知、已燃燒卡路里、步行步數等數據,而透過手錶右側下方的功能鍵,可以進入功能列表,打電話又得,開啟音樂播放器又得,打開 Galaxy Apps 下載對應軟件都得,應有的功能佢都有,相比版主手上的 Moto 360 實用得多!

    50m 水深都用得!三星智能手錶 Gear Sport 上手評測
    ▲ 版主今次借得的,是藍色錶帶的 Gear Sport。

    50m 水深都用得!三星智能手錶 Gear Sport 上手評測
    ▲ 配備了 1.2 吋 360 x 360 解像度 AMOLED 屏幕,相比現有的 Gear S3 Classic 細 0.1 吋,而同版主手上的 Moto 360 比較,更是明顯地小好多。

    50m 水深都用得!三星智能手錶 Gear Sport 上手評測
    ▲ 手錶右側會有兩個按鍵,上方的是返回鍵,而下方的則是主頁鍵 / 開關鍵 / 功能鍵。

    50m 水深都用得!三星智能手錶 Gear Sport 上手評測
    ▲ 跟以往的三星智能手錶一樣,同樣是有一個齒狀的轉盤。

    50m 水深都用得!三星智能手錶 Gear Sport 上手評測
    ▲ 錶帶會有感應器,可以監測用戶心跳率等數據。

    50m 水深都用得!三星智能手錶 Gear Sport 上手評測
    ▲ 用上標準 20mm 的錶帶。

    50m 水深都用得!三星智能手錶 Gear Sport 上手評測
    ▲ 叫得做 Sport,當然重點是俾人做運動用,例如踩單車的時候,可以堅測到運動時的數據及心率。有關功能詳情,下面再講。
     

    支持 50m 防水!Gear Sport 重點功能數你知!

    001: 支持 5ATM 防水以及軍事級 MIL-STD-810 規格
    今代的 Gear Sport,最大的賣點是加入了 5 ATM 防水功能,意思即係話,你可以戴住 Gear Sport 在 50m 淺灘游水都無問題。唔好講游水吖,就算你沖涼,都可以唔使除錶直接沖~算係方便嘅。另外,通過 MIL-STD-810 軍事級規格,則證明 Gear Sport 具備承受於一定濕度、高海拔或浸入水中時使用和操作的能力。

    50m 水深都用得!三星智能手錶 Gear Sport 上手評測

    002: 內置 79 款錶面,想點轉就點轉
    作為一款智能手錶,最正的地方就是好多嘢都可以自定義,包括錶面。你用厭左而家個錶面,想轉用另一個錶面,只需長按錶面,就可以撥左撥右選擇你想要的款色,你鍾意的話,將自己個樣放埋落做錶面圖案都仲得~(只要你唔怕俾人話自戀~)。

    50m 水深都用得!三星智能手錶 Gear Sport 上手評測

    003: 提供全面運動監測
    Gear Sport 配備了自動監測功能,用戶可透過 Samsung Health 預先為自己的跑步訓練設置目標步速,以及監測游泳訓練嘅數據及心率,令游水、跑步訓練更加有效。除左提升運動表現,Gear Sport 內置的心跳感應器,可以連續監測心跳率,但你可以隨時知道自己任何情況下的心跳率,而只需在 Gear Sport 上輸入卡路里攝取量,Gear Sport 亦會隨即建議卡路里消耗量。如果你長時間未有活動,手錶則會提醒你要伸展下身體。

    50m 水深都用得!三星智能手錶 Gear Sport 上手評測


    50m 水深都用得!三星智能手錶 Gear Sport 上手評測
    ▲ 支持不同類型的運動,你可以為自己設立訓練目標。

    004: 支持 Spotify 離線播放音樂功能
    平時一個人做運動,例如跑步、行山,難免會覺得有點沉悶。而 Gear Sport 支持 Spotify 離線音樂播放,可以就算放低左手機,無戴耳機,都能夠隨時隨地邊做運動邊聽歌。當然,亦都可以配合今日同場發表的 Gear IconX (2018),既可以充當一個個人健身教練,同時具有環境聲音模式,開啟模式後可以聽到外邊環境的聲音,免生意外,並支持 Bixby 音控功能。Gear IconX (2018) 充電後可使用最長達 7 小時,而放入充電盒內更可進行快速充電,充電 10 分鐘就可以聽到 1 小時的高品質音樂。

    50m 水深都用得!三星智能手錶 Gear Sport 上手評測

    005: 其他配置、基本功能
    當然,基本智能手錶應有的功能,如查看訊息、通知,Gear Sport 都一定有。而配置部份,Gear Sport 配備了 1.0GHz 雙核心處理器,內置 768MB RAM 以及 4GB ROM,具有 300mAh 電池,並會運行 Tizen OS 3.0 作業系統。另外,Gear Sport 亦會支持 Samsung Pay 功能。

    50m 水深都用得!三星智能手錶 Gear Sport 上手評測
     

    幾時賣,賣幾錢?

    咁到底三星 Gear Sport 以及 Gear IconX 會幾時賣,賣幾錢呢?遺憾地在賣價方面三星都未有答案,只知道兩款產品都會在 11 月才賣。Gear Sport 有藍、黑兩種顏色,而 Gear IconX (2018) 則有粉紅、黑、灰三種顏色。對於這兩款產品,網友們有沒有興趣呢?留言講下啦!
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁