主題:港府擬港鐵全線列車裝 Free Wi-Fi!話你知此舉必敗原因!

ePrice HK
  • 發表時間:2017-10-11 13:41 收錄檢舉
    政府剛剛就發表了最新的施政報告,你可能會問:咁又點呀?同科技有乜關係?比較同大家息息相關的,應該是政府表示有打算在港鐵全線列車裝 Free Wi-Fi 喎,聽落就好似好掂好正呀,就算搭車都可以有無限 Wi-Fi 用喎,咁爽,但係咪真係 work 呢?老老實實,成件事在目前來說,可以說是「多舊魚」。到底政府是次舉動,有甚麼地方是不切實際的呢?下文會講。

    港府擬港鐵全線列車裝 Free Wi-Fi!話你知此舉必敗原因!

    根據施政報告 2017 第五章,其中一條是這樣寫的:

    「邀請港鐵公司研究在全線列車提供免費Wi-Fi的可行性。」

    港鐵全線列車裝 Free Wi-Fi,理念聽落係好 Perfect,但真正實行起上黎,在現階段來說是行唔通的。就好似所謂的巴士 Free Wi-Fi,相信大家都知道,其實實際上都只不過係將 csl. 4G 透過 Router 放 Wi-Fi 出黎,而且仲要 Lock 死 4G,一去到某些 csl. 不支持 4G 的地方,例如大欖隧道,就會變到完全用唔到。

    而政府希望港鐵全線列車裝 Free Wi-Fi,原理都是一樣,同樣係用網絡商的 4G 在車廂內放 Wi-Fi,但大家有沒有想過,平時我哋自己在港鐵內上網,都依然成日會出現斷線連唔到嘅問題,咁而家政府有打算將 4G 放出黎俾大家當 Free Wi-Fi 用,你覺得俾你連到,又係咪真係上得到網呢?除非,有一日網絡商可以解決在地鐵上的網絡問題,否則的話,這個政策「可行性」並不是太大。你又點睇呢?

    來源:施政報告第五章

    立即加入Facebook 專頁,新聞/消息/優惠,最快知。

    01樓 ▲TOP 回列表頁