一秒學懂中國外交部演講辭!耿爽模擬器好好玩

ePrice超級記者 2019-11-30 16:56 | 科技新知
呢排唔少網友都會睇好多新聞,相信都會留意到中國外交部耐不耐會就著香港事務發言。當中嘅發言人:耿爽,大家會覺得佢嘅發言好有特色。係呢個要認識中國嘅大時代,作為香港人係時候學習一下,中國外交部嘅寫文方法及發言規則。有網友好有心寫咗一個叫「耿爽模擬器」,模擬耿爽先生作為中華人民共和國外交部發言人嘅發言。想知點玩,我哋教你。

FB.jpg

玩法好簡單,當你按入去呢條 Link,你就會見到寫住「耿爽模擬器 - v0.1」,畫面好簡陋,白色背景加兩條問題,其中一個就係「要讉責的國家」,而另一個就係「對方幹了甚麼事情」。不過要注意的是,既然要模擬中國外交部發言,你會見到成個網都係簡體字,好合理。

Image 026.jpg

當然,其實係任你輸入乜都得,幾無厘頭都可以,要讉責的不一定要係國家,可以係其他名字,畀個例子大家:

Image 027.jpg

之後再按下方的「外交部發言人耿爽答記者問」,就會出現以下「演講辭」:

Image 029.jpg
注意,耿爽模擬器的演講辭,有好多個版本,你再按多幾次「外交部發言人耿爽答記者問」,可以見到有唔同嘅內容,但講嘅嘢其實大致差不多。

Image 030.jpg
▲ 又幾好玩 XD

最新新聞