估你唔到科技 001 穿牆電視芒
呢個穿牆電視芒，英文名叫做 Smart Glass，正確一點就係智能玻璃。對，其實係玻璃唔係芒。點樣用架。投影機顯示投射畫面去呢塊玻璃 ，而玻璃是穿透的，即係話係前面、後面，你都可以睇到播乜。用可以設定輸出畫面正/反面，所以前後面都睇得清楚架。
▲ 現場看顯示畫面算頗清晰，若沒有投影的畫和一般玻璃沒甚分別。 據悉呢塊穿牆電視芒 Smart Glass 售價約每平方米 HK$4300，最大可以造到 1.5 x 3M，安裝費則約一千元左右，雖然係富貴人玩意，但睇下 FF 下都夠過癮。
▲背面也可以作顯示，但段估你唔會放係大廳正中心。
▲ 關掉投影的話和一般玻璃沒甚分別， 睇得穿，睇得透，你唔會撞埋去架呵。
估你唔到科技 002 ：智能籃球 人人也是 NBA 球員
94Fifty 智能籃球，內置了 6 個感應器，可以感測使用者運球的速度，還有投球速度、投球弧度和後旋等數據，能助運動員了解自己的動作從而作出改良。籃球透過藍牙與智能裝置連線，可以透過無線充電座來充電。這款智能籃球還未上市，美國售價約港幣 $2290 左右。版主相信，不少 NBA 球隊會引入採用咁囉。
▲ 香港政府出名支持體壇
HK$2290 一個智能籃球，有機會訓練 NBA 級數球員，無理由，唔投資架喎，問題是籃球係咪重點項目呢？有無網友話俾我知。 
▲ 從 app 可以了解各項數據
▲ app 會有評分表示你的籃球水準
▲ 94Fifty 智能籃球影片
估你唔到科技 003 ：4K 頭盔 CAM
前面風景無限好，呢句說話，相信不少單車友會好認同，所以係車頭裝個 Cam，一面踩；一面拍。 不過，拍 4K 超高清有無可能架？有! GoPro Hero 3+ Black Edition運動攝影機，支援 4K 攝影，可作 50 米防水！
▲GoPro Hero 3+ Black Edition運動攝影機可以簡單地裝上踩單車的保護頭盔。
估你唔到科技 004 ：抺窗機械人
版主好怕抺窗，一來要有點技巧才抺得乾淨，二來，要伸個人出窗口，好危險架喎! 呢個 WinBOT 抺窗機械人，掛係窗口便幫你自動抺窗，方便到震。有齊安全保險線，唔怕失重心跌落地下。 WinBOT 有中文名架，叫做「窗寶」，原來中國大陸都有得賣，已經係第二代了。 
▲ 抹窗不再困難，WINBOT 可以輕鬆地幫你抹室外的窗戶。 中國大陸天貓已有專門店，賣人仔 $1780，貴過部份掃地機械人架。版主建議你 Click 入去天貓專賣店，因為連機械人管家都有得賣，成萬銀港紙一個架。
估你唔到科技 005 ：減肥智能叉
減肥要節食是常識！但食幾多，食幾快原來有學問架。叉呢款 HAPIfork 內置藍牙連線，可以感應你吃飯的速度，如果太快會發出震動警示，適合病患者或小孩，當然減肥的你，注意健康的人，都好有用。
▲ 減肥智能叉外國賣七舊水港幣架! 要介紹俾杜汶澤嗎?
其他智能產品
▲單車上黑色的 Wahoo Fitness RFLKT 單車智能配件，支援藍牙連接，可顯示心跳、行車速度、時間等資訊，更可以控制手機的音樂播放，而且具有 IPX7 認証，可於惡劣天氣下使用。
▲Pebble 智能手錶，可以連接手機，顯示通知訊息，售價 1298。旁邊的 Phyode 智能手帶，可以感測心跳、卡路里消耗等數據，傳送至手機當中，售價 $628。
▲iRiverOn 多功能運動測心儀藍牙耳機，可以記錄心率、耗氧量、速度、跑步時間、距離和 GPS 資料等，支援手機通話與音樂播放。
▲電子寵物不再是電子狗或他媽哥池，只要你的手機插上這款玩具車，即變成電子寵物，可以教導作各種移動，以及會有多種表情顯示。
▲Philips 的 hue LED 燈，可以透過 app 操控改變各種顏色。
智能家居沙田 Show 資料
原名：「A Culture of Smart Living」
舉行地點：沙田鄉事會路138號 HomeSquare 地下 (沙田火車站旁）
PCCW Smart Living Store: 沙田鄉事會路138號 HomeSquare 3樓356號鋪
日期：由即日起至 3 月 23 日
