。但係政府回收一個電視牌照，除左對佢直接競爭者（例如香港電視、無線等）有影響之外，大家都可能從中受益，呢件事可能令好多人開心！點解會咁？等版主同你分析。
亞洲電視正式被「釘牌」！預計播多 12 個月玩完！
我諗愚人節呢兩日，唔少香港人都比 ATV 玩謝，事關佢地尋日 6 點新聞就報話王維基買亞視，今日又話另有「白武士」，不過最終都面對一個問題：續牌問題。今日政府召開特別行政會議，否決亞視繼續持有電視牌照，亞洲電視亦發明聲明證實消息，而消息指亞洲電視 12 個月將會之後停播。根據之前所講，如果亞洲不獲續牌的話，就算有「白武士」都冇用，而亞視唯有執笠啦，其實最慘就係班員工，因為交易唔成立都唔知有冇得出糧。（以後賽馬同埋六合彩點算啊
）不過亞視執笠就有可能涉及到頻譜問題。
空出頻譜，可轉做 4G LTE
事實上，亞視電視不獲續牌，政府實際上可以考慮唔批咁多頻譜俾新營運者，以舊亞視為例，基本上一條高清中文台，一條高清英文台已足夠選擇 （新消息：政府已發牌十二年俾 PCCW 即係 Now 旗下嘅香港電視娛樂，根據們的標書，就係只提供一中、一英頻道)，段估你唔會睇縮細低清版 CCTV1 及深圳衛視。其實，只要把現有數碼電視頻譜從新調配，是可以空出 700MHz 作4G LTE 服務。低頻 4G LTE 理論上可以補充現時各大網絡商以 1800 / 2600MHz 為主嘅服務，難以入屋的情況。講到 700MHz 的 4G LTE ，其實世界各地都有唔同地方用，就好似美國的 Band 12頻段，不過如果要轉用的話當然就係選擇台灣的 Band 28 會比較普及，香港亦有機可以用得到。Band 28 係台灣及澳洲開始使用，而台灣方面，700Mhz 表現亦十分不錯。香港推出嘅新 HTC 手機，如 One M9，或者新嘅 Galaxy S6 / S6 Edge 都支援 Band 28。所以，若果無咁多電視台，香港政府，也要應該改用 4G 吧。
▲這是現在香港網絡商的頻段分佈