今日 Letv 樂視集團旗下嘅樂視體育，宣佈獲 2016 至 2019 年香港英超獨家版權。留意係用了版權一詞，而不是播映權，意味著 Letv 樂視應該唔會俾晒自己播英超。而 PCCW 亦同時發出聲明：「now TV 與樂視體育已達成共識，通過合作繼續在 now TV 平台讓客戶可以在未來三季 (2016年8月起) 繼續觀賞英超賽事」即係未來 nowTV 都會播英超，但播幾多，會否好似家陣咁，有埋手機、平板，電腦平台，定係只有 nowTV 播到？有無重播，播得幾多都未知。因為由 2016 年起，話事嘅，肯定係樂視。
講番 Letv 樂視自己，佢地講明係 2016-17 年起，以 4K 超高清，(3840 x 2160) 播放英超，但注意係部份場次，唔係 360 場英超都用 4K 播放。 Letv 樂視在新聞稿中，表明全球有 600 個 CDN (Content Delivery Network）節點、10T 頻寬用作直播之用。而他們通過多路信號、多個坦次、多個終端、多語解說及多動互動方式播英超。不過，點樣播，收費係點，就未有公佈。
'