設定網站通知

Letv 樂視、Now TV、香港寬頻：英超大亂鬥

左定坤 (Cho Ting Kwan) 2015-09-25 20:18 | 數碼影音
Letv 樂視香港宣佈獲得英超播映「版權」已經係眾所周知嘅事，之前版主 Keith 都講過，Letv 樂視香港用左「版權」呢兩字嘅目的，意味左樂視唔會俾哂自己播英超。之後 PCCW 亦發出聲明，話 now TV 已經同 Letv 樂視體育達成共識，通過合作可以繼續喺 now TV 平台上播放英超賽事。但係呢，今日 Letv 樂視香港無啦啦就喺 Facebook 上發左個 Post，當中牽涉到樂視同香港寬頻，到底當中又有啲咩野玄機呢?

//timgm.eprice.com.hk/hk/nb/img/2015-09/25/24191/prince1025_1_1142_9cb4be19744349840363c192e130944d.jpg

據消息稱，now TV 喺 9 月 22 日就話已經同 Letv 樂視體育達成共識，未來三年可以繼續直播英超賽事，但轉頭 Letv 樂視香港就話未有同第三方達成任何協議。之後 Now TV 就搵 Letv 樂視講數，最後終於傾掂左數，尋日已經發出左聯合聲明，表示雙方已達成協議，正積極洽談細節中。

今日 Now TV 再特登開多個記者會，表示「通過與英超香港新播放權持有人的獨家協議」，繼續直播未來三年英超賽事。有無發覺有啲咩嘢奇怪呢? 有無諗過到底 now TV 做咩要寫到話「英超香港新播放權持有人」，而唔直接寫 Letv 樂視體育呢? 有一個可能性就係因為之前 Letv 樂視無認同 now TV 合作，所以 now TV 嬲嬲地就唔直接寫 Letv 樂視體育。而岩岩 Letv 樂視香港又喺 Facebook 上嘅 post，Letv 樂視香港叫人地要留意 10 月 8 日，而幅圖入面有樂視同香港寬頻嘅 logo，背景仲要係草地，咁即係有機會英超賽事和香港寬頻有關!

//timgm.eprice.com.hk/hk/nb/img/2015-09/25/24191/prince1025_1_1142_23876724b89a73886eede7563f4f4976.png
▲ 樂視喺 Facebook 開 post 叫人留意 10 月8 日，有香港寬頻 LOGO 喺幅相度，到底有咩含義呢?

咦? 明明之前就話 Letv 樂視香港同 now TV 合作，俾 now TV 播英超賽事。而家又彈個香港寬頻出黎，莫非，Letv 樂視香港同香港寬頻會有更加深層嘅合作關係? 會唔會 Letv樂視體育又將英超播映權賣俾香港寬頻呢? 又或者，會唔會 Letv 樂視諗住撇甩 now TV ，轉去同香港寬頻合作呢? 成件事真係匪疑可思，真係值得懷疑呢......

最新新聞