廣電總局為左控制電子盒子市場的混亂，發佈左首批國內 81 款非法違規嘅第三方應用，並將呢啲軟件全部屏蔽。呢啲軟件全部都係國內嘅軟件，名單中包括千尋影視、風雲直播等等，而小米盒子、天貓魔盒等多個電視盒子嘅視頻內容幾乎全部被封殺。另外，廣電總局對七大互聯網電視牌照商發出禁令，需要佢地自我檢查，能唔能夠達到廣電總局的要求，如果達唔到要求，咁就可能會被取消佢地嘅播控權。
▲ 廣電總局的非法應用名單，按上圖可觀看全部非法應用。
而廣電總局嘅要求係咩呢? 要求一共有四點：
● 2015 年初之後發佈嘅機型嚴禁支持 USB 安裝應用
● 嚴禁內置瀏覽器
● 嚴禁應用商店或其他手段推送聚合應用軟件、視頻網站客戶端、電台應用軟件。
● 嚴禁應用商店或其他手段推送可通過手機間接遙控播放視頻的遙控器應用。
另外，所有的品牌以及第三方應用都要通過廣電總局認證，目前通過左認證嘅第三方應用軟件包括愛奇藝、優酷點播平台等，其他第三方應用都陸續審核中，睇下呢啲第三方應用有無為廣播電視接收軟件提供下載服務等違規行為。
簡單啲黎講即係點呀? 原本你買部電子盒子番黎，無非就諗住可以透過連接 Wi-Fi 睇到海量視頻，又或者睇下波。而家呢? 「升級」之後國內將啲非法嘅第三方軟件屏蔽，將會刪左好多直播軟體，影響到香港都無得睇，導致電視的內容變得好少，呢樣又話唔睇得，果樣又話無得睇，電子盒子失去左佢原有的功用。原本我買盒子嘅目的係想睇免費野，你同我講而家要封殺啲免費視頻的第三方軟件，咁我買個盒子黎做乜? 所以好多人原本喺雙 11 果日買左電視盒子，都趁而家紛紛退貨，睇怕短時間內唔少互聯網電視牌照商應該都會出現大混亂。
唔知大家屋企有無裝電視盒子呢? 你哋有無發現啲第三方直播軟件全部唔見哂? 今次廣電總局嘅封殺行動，唔知又有無對你有影響呢?
來源：中國証券網 | 聯合新聞網