為一名南區友，過往要睇電影最近要去到數碼港，或者坐一程車出去銅鑼灣市區。 但今日海怡 MCL 就正式開幕，為南區朋友提供新選擇。 只不過山長水遠， 究竟南區開戲院同其他網友有咩關係？ 全因為一個神級原因， 究竟係乜呢？
其實最大的理由係價錢平！ 其實按照目前市區價錢去比較， 在銅鑼灣的 MCL 戲院價錢比海怡 MCL 貴， 當中差價即使扣埋車費都平。條數學點計？ 我以功夫熊貓 ２D 為例：
▲ 在今晚 ７：３０ 的開幕場， 功夫熊貓 ３ ２D 粵語版在海怡 MCL 成人票價是 ８０ 元。
▲ 在相同傍晚黃金時段中， 銅鑼灣的 MCL JP 戲院成人票價是 １００ 元， 而其他票價類別亦出現差價達 ２０ 元。
問題： 去到呢度有網友肯定會串我， 咁我點解唔去其他再平少少既戲院呢？
神級原因係： 當你今晚帶同老婆仔女， 提前一個鐘行到銅鑼灣 MCL JP 戲院購票處都好， 卻發現想睇既功夫熊貓粵語版已經門票全數賣完， 或者賣剩下自己不想坐的兩側座位， 你會發現自己好難同身邊人交代， 因為此行籌備已久， 又提早收工又接埋放學， 但竟然因為無好位而要失望而回。你老婆會怪責你辦事不力， 仔女會成晚都係黑面神咁既款， 所以你絕對不容許呢個悲劇發生。
呢個時候看似偏遠的海怡 ＭＣＬ 或許成為你的救星： 你先用手機查看海怡 MCL 原來仲有功夫熊貓， 竟然仲要係四連中極品座位！ 然後你神色自若拖住大細， 走到希慎廣場前， 乘搭 ５９２ 號路線的雙層巴士， 每人繳付港幣 ４．７ 元車資， 細路半價添 ～ 把握車上難得既親子溝通時間， 大概半小時後你就會出現在海怡 MCL 面前， 而你老婆會讚你好犀利， 仔女會十年難得一遇咁講多謝爸爸。 信我！ 果一刻你會覺得自己已經擁有全世界。成本更低， 而且時間都無點樣浪費， 正！
大家唔好恥笑我， 他朝君體也相同既時候， 你就會想起我， 以及我呢個神級原因～
一、海怡 MCL 搶先導覽
咁當然唔係個個都需要神級理由先入黎睇戲既， 如果你住在南區或者在附近上班活動， 海怡 MCL 係唔錯的選擇： 擁有三個影院， 分別擁有 ２８７ 個、１１６ 個和 １３７ 個座位及各 ４ 個輪椅座位。是全港首先採用無機房式的全數碼化播放， 能夠配合杜比 ７．１ 音響系統播放 ２D 和 ３D 電影。 究竟實際環境係點？ 我帶大家睇睇。
▲ 正門抬頭就見到海怡 MCL 的英文水牌， 加上天燈吊飾非常有情調， 而戲院分為左右區。
▲ 門口售票處擁有四個售票台， 右邊黃色的是兩部自動售票機。
▲ 右邊再入少少就係本人最愛的小食售賣處， 爆谷呀！
▲ 右邊的一號院佔地最大， 可容納 ２９１ 位觀眾， 銀幕達到 １２．８ 米闊和 ５．３ 米高。
▲ 前後座位間距最少 １．１ 米， 即使身高過 １８０ｃｍ 的小弟都輕鬆舒服無問題。
▲ 戲院左邊是 ２ 號和 ３ 號院， 佔地相對細小但感覺親切， 我自己會更喜歡這種窩心的家庭感。
▲ 最特別之處是戲院採用無機房操作， 也就是佔地空間大大減少， 能騰空更多座位以及提高空間設計的彈性。
▲ 這個天花小盒子， 就是放映機的位置。戲院採用伺服器網絡方式， 透過中央電腦經過光纖連接三個影院的放映機， 從而進行電影放送。
▲ 點解呢個哥哥會笑？ 因為有別於傳統機房操作， 佢只需透過 Android 平板對放映機進行畫面和聲音等參數的調教， 輕鬆完成準備放映工作。
▲ 點解呢個哥哥會笑？ 因為有別於傳統機房操作， 佢只需透過 Android 平板對放映機進行畫面和聲音等參數的調教， 輕鬆完成準備放映工作。
▲ 根據 MCL 總經理黃寶珠女士所言， 其實搞無機房式的裝置成本貴過傳統機房， 但傳統機房佔地空間太大， 唔係咁容易找到合適興建戲院的地方。新引進的無機房模式， 為日後達成 MCL 區區有戲院的計畫有很大的幫助。
▲ 即使 House 細， 但座位仍然有足夠的舒展空間， 長腿叔叔都完全無問題。
▲ 小弟對廁所要求好高， 新戲院的男廁都非常清爽， 而且空間上並不會感到狹窄， 完全可以放鬆心情～
二、海怡戲院限定優惠和價目表
講到電影， 最重要當然係價錢同睇乜戲啦！ 海怡戲院開幕後立即放映《蝙蝠俠對超人:正義曙光》、《優獸大都會》、《功夫熊貓３》、《埃及神戰》以及《倫敦淪陷》。 而票價方面， 可以參考 MCL 官方網站， 這裡我只列出一般電影票價， 因為個別電影會特別收費：
至於究竟戲院新開張有咩特別優惠呢？ 其實之前有一個 120 元三張電影禮卷優惠， 官方指反應熱烈，所以即使加推完都賣嗮喇！ 咁點算？ 其實如果你係戲迷朋友， 小弟我係現場見到有一個限時入會優惠， 去到 ４ 月 ２０ 日截止。 １８８ 元包三張電影禮卷， 爆谷汽水餐卷， 而且有正價戲票優惠 ８ 折！ 下面放圖比大家參考：
▲ 其實現場 MCL 職員有話比小弟知， 其實之後 ４ 月 ７ 日到 ６ 月 ８ 日， 會推出不同的優惠折扣， 但就要之後先公布詳情。
三、海怡 MCL 究竟點樣去？
首先， 你要想辦法入去海怡半島， 銅鑼灣的話上面已經講左 ５９２ 巴士直達， 彌敦道沿路就上 １７１ 號巴士， 香港仔就自己行路過去或者 ５９５ ／ ９０B 巴士， 落車後你會見到海怡東商場大水牌。
▲ 見到條大樓梯已經嚇死人， 而且扶手電梯目前仍然未完全竣工， 不想行樓梯就睇清楚以下指引。首先入去商場的地面層， 在圖片左方找 OK 便利店入口。
▲ 依照地上指示找電梯。
▲ 穿過這門就找到電梯。
▲ 記住選擇左邊電梯， 然後按下 ４ 字。
▲ 一出電梯門就會見到大大個 MCL 水牌， 完～
至於究竟戲院新開張有咩特別優惠呢？ 其實之前有一個 120 元三張電影禮卷優惠， 官方指反應熱烈，所以即使加推完都賣嗮喇！ 咁點算？ 其實如果你係戲迷朋友， 小弟我係現場見到有一個限時入會優惠， 去到 ４ 月 ２０ 日截止。 １８８ 元包三張電影禮卷， 爆谷汽水餐卷， 而且有正價戲票優惠 ８ 折！ 下面放圖比大家參考：
▲ 其實現場 MCL 職員有話比小弟知， 其實之後 ４ 月 ７ 日到 ６ 月 ８ 日， 會推出不同的優惠折扣， 但就要之後先公布詳情。
三、海怡 MCL 究竟點樣去？
首先， 你要想辦法入去海怡半島， 銅鑼灣的話上面已經講左 ５９２ 巴士直達， 彌敦道沿路就上 １７１ 號巴士， 香港仔就自己行路過去或者 ５９５ ／ ９０B 巴士， 落車後你會見到海怡東商場大水牌。
▲ 見到條大樓梯已經嚇死人， 而且扶手電梯目前仍然未完全竣工， 不想行樓梯就睇清楚以下指引。首先入去商場的地面層， 在圖片左方找 OK 便利店入口。
▲ 依照地上指示找電梯。
▲ 穿過這門就找到電梯。
▲ 記住選擇左邊電梯， 然後按下 ４ 字。
▲ 一出電梯門就會見到大大個 MCL 水牌， 完～
海怡 MCL 資料
地址：香港鴨脷洲海怡路18A海怡半島商場東翼四樓
地址：香港鴨脷洲海怡路18A海怡半島商場東翼四樓
電話：21807326
有無南區朋友可以分享下， 你會選擇入海怡睇， 定係會入數碼港呢？