主題:另類賣點搶風頭!DIVOOM Tivoo 藍牙喇叭功能有幾騎呢?

ePrice HK
  • 發表時間:2018-04-08 01:15 收錄檢舉
    近呢一年,當你聽到連 iPhone X 都要減產,或者會明白智能手機銷量可能已經到左最高峰,各大廠商注意力自然會放係其他增長迅速嘅產品,藍牙喇叭就係其中兵家必爭之地,俵俵者有 Apple HomePod、 Google Home、Amazon Elco。上述喇叭除左音質,更強調「智能」呢部份,各自支援自家人工智能助理。不過接住要分享嘅藍牙喇叭,雖然由外型到功能同埋特色都比較另類,但價錢就「親民」得多,值得留意下嘅。

    另類賣點搶風頭!DIVOOM Tivoo 藍牙喇叭功能有幾騎呢?
     

    自家 DIVOOM Smart 應用程式 主打Pixel娛樂?

    來自 DIVOOM Tivoo 藍牙喇叭,從仿效經典彩色電視機外型來講,一睇就知玩「復古」,體積上只得 100 x 83 x 83 mm,可以叫做的骰,但版主就覺得有略嫌太似玩具,兒嬉左小小。 Tivoo 係喇叭上叫做中規中矩,用上 6W 輸出的全新 DSP 360° 全頻喇叭,而且電視機的「散熱口」都變成了 Bass Port 低音通道,有助提升聲音表現。

    不過,受體積所限,播歌就一定唔係 Tivoo 嘅強項,反而由 16 x 16 Full RGB LED 燈組成嘅「電視芒」就有趣得多。根據廠方資料,當連上官方的 DIVOOM Smart app(支援 iOS, Android)後,除左可以自製 Pixel Art,整 Pixel 動畫之外、仲有俄羅斯方塊、撞磚呢啲經典小遊戲玩。呢啲功能作為噱頭都幾唔錯,但係實用性就唔算高。反而版主對佢「智能鬧鐘」更感興趣,除左有睡眠輔助系統(sleep aid),可以透過 LED 燈顯示器模擬出有助用家入眠的環境,響鬧功能上亦有 14 組唔同場景鬧鐘鈴聲。除左做喇叭,用來當鬧鐘都好啊!

    除左 Pixel Art 同埋智能鬧鐘外, Tivoo 仲有 Voice Memo、記念日提醒、報天氣溫度、日程表、通訊軟件通知等等其他藍牙喇叭都有嘅功能,但價錢先係重點吧? Divoom Tivoo 建議零售價係 $499,有黑、白、紅、粉紅 4 隻色可選,當玩具玩下或者送俾人都係唔錯嘅,但想用來聽歌,都係正正經經買返個藍牙喇叭會較好呢~

    另類賣點搶風頭!DIVOOM Tivoo 藍牙喇叭功能有幾騎呢?

    (對了, Divoom Tivoo 代理商 Towervision 近日亦推出左 10 週年大抽獎活動,係 4 月 16 號之前入手 Tivoo 都有得抽獎,頭獎更加有日本東京雙人來回機票,所以想入手的話,早買更著數,詳情可按這裡)

    立即加入Facebook 專頁,新聞/消息/優惠,最快知。

    01樓 ▲TOP 回列表頁