主題:平玩 Hi-Fi 音質 $900 玩美國 Air by crazybaby (NANO) 真無線耳機

ePrice HK
  • 發表時間:2018-08-02 20:20 收錄檢舉
    當真無線耳機而家慢慢進入白熱化階段,以 True Wireless 作為賣點,定價千元價位以下嘅耳機產品,基本上無返幾款獨到過人之處,某程度上都幾難殺出重圍。係 Indiegogo 上紅極一時嘅耳機品牌 crazybaby,近排就正式將新一代 Air by crazybaby (NANO) 帶到香港,除左力 sell 細粒的骰之外,更標榜擁有 Hi-Fi 音質,性價比係咪真係咁過就要睇新啲啦!

    平玩 Hi-Fi 音質 $900 玩美國 Air by crazybaby (NANO) 真無線耳機

    用上「碳納米管振膜」 平價更好聲? crazybaby 提到呢隻 True Wireless 耳機用上 5.5mm 釹金屬訂制 Hi-Fi 微型單元,仲標榜選用達到 99.8% 純度的碳納米管振膜,令音色更加純淨。以真係線耳機來講,連接穩定性版主就覺得比起音色更加重要,郁啲就斷的話咁幾好聲都無用啦!Air by crazybaby (NANO)就聲稱其連接能力比起一般真無線耳機更出色,因為用左同 iPhone 一樣,有頻率寬廣,高信號接收效率特性的 PIFA 天線。係咪真係可以比起 Apple 出品的 AirPods 就真係要試過先知啦。

    10款顏色選擇,重點係 size 似唇膏? 外型上,Air by crazybaby (NANO)實在算唔上特別,耳機用左一街都係嘅子彈頭外型,好處係輕(重5g),而充電膠囊都一樣以袖珍為賣點,但因為咁續航力就要作出犧牲了,只有 9 小時嘅使用時間,可能需要面對每日一叉嘅情況。另外,Air by crazybaby (NANO)擁有多達十款顏色可以選擇包括:黑、白、紅、紫、粉紅、胭脂金、黃、粉藍、湖水綠、螢光綠。以定價 $899 而言,大家又覺得是否抵玩呢?留言分享下啦。

    平玩 Hi-Fi 音質 $900 玩美國 Air by crazybaby (NANO) 真無線耳機
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁