主題:Mac OS 都中招?一招教你免受 WannaCry 勒索病毒威脅!

ePrice HK
  • 發表時間:2017-05-17 13:19 收錄檢舉
    最近 IT 界最熱門的話題,並不是出左乜嘢乜嘢 S835 手機,而是勒索病毒 Wanna Cry。呢個病毒真係不得了,佢會利用 Windows 系統漏洞,將你電腦入面嘅檔案加密,然後要購買比特幣 (Bitcoin),價值大約 300 至 600 美金不等,先可以將文件解鎖。呢個病毒的出現,有人話係 Microsoft 自己搞出來,逼用家升級 Windows 10,但最近發現原來 Mac 用家都隨時會中招!用緊 MacBook 的版主,會唔會出事呢?

    Mac OS 都中招?一招教你免受 WannaCry 勒索病毒威脅!

    有網友反映自己部 MacBook 都中左招,點解會咁?原來,佢係用左 Parallels Desktop,相信大家都知道,Parallels Desktop 係乜嘢嚟,版主之前都有用過,對我來說最重要的用途,就是在一部 Mac 電腦入面,安裝一個虛擬的 Windows,令到可以 Mac OS 跟 Windows 同時並存在一部電腦裡面。咁同 WannaCry 病毒有乜關係?最大問題就係當你虛擬系統中左招,而你的 Mac 系統同虛擬 Windows 有共享的文件,咁就會連呢部份的文件都被加密!咁其實都好大鑊,因為呢類型的虛擬系統有好多 Mac 用家會用,如果你有共享的文件,咁就好容易會出事。

    Mac OS 都中招?一招教你免受 WannaCry 勒索病毒威脅!

    所以如果想避免自己部 Mac 機的文件被鎖,而你剛巧又有用 Parallels Desktop 之類的應用程式,最安全的做法是,停止共享任何的文件,讓虛擬系統跟 Mac 系統完全獨立,咁樣就算你的虛擬 Windows 出左事,你都可以全身而退。

    來源: 搜狐
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁