▲ 以 C3 限定禮品來講，版主就覺得賀年版 TORO HDD cover 係最吸引。
著數001：用銀聯卡買 PS4 送 Game 兼平買手掣
係 C3 會場用銀聯信用卡／提款卡買機會係一個幾抵玩的方案。雖然 C3 場內 PS4 定價唔會平（主機 $3380 、 主機同捆裝 $3680）但勝在有得用優惠價買手掣同埋送 Game 。除左可以用比原價（$468）平接近三百蚊（$188）的價錢買到 DUALSHOCK 無線手掣一個之外，用銀聯卡買機係會即送 Game （DRIVECLUB 定價 $308）同埋 PlayStation Plus 14 日會籍，呢個優惠只係得銀聯卡先有而且每日名額只有 100 個，大家要留意啦！著數002：C3 限定禮品限量送
好老實講，銀聯卡買 PS4 優惠其實就唔係 C3 會場買機獨有，由 1 月15 號到 2 月 28 期間係 PlayStation Platinum Shops、 SONY Store 一樣用到呢個優惠，咁係 C3 買又有咩著數呢？就係佢每日送的 C3 限定禮品啦！當中有幾樣 C3 限定禮品版主相信算係幾吸引嘅，就係賀年版 TORO HDD cover 同埋 PlayStation 20 周年 TORO 杯套裝，呢兩樣禮品每日都只係得 50 個名額。買機送兩張 50 蚊 Playstation 優惠卷都算係有吸引力，不過就只可以係 PlayStation Platinum Shops 同埋 SONY Store 用到，所以每日名額都比較多，限量 500 個。著數 003：PS Vita TV 半價可以入手
係 C3 會場入手 PS4 又點止咁少優惠，除左岩岩提到的著數之外，仲可以半價換購 PS Vita TV ！雖然對打算買 PS4 的朋友來講 PS Vita TV 用處未必係咁大，但由原來定價 $798 減價一半只用 $399 就買得到，相信唔少人都覺得心動啩？已經有 PS4 又或者只想買 PS Vita TV 的朋友亦都唔需要擔心，因為買 PlayStation 周邊產品或者 Game 都一樣可以半價換到 PS Vita TV 。當然，咁著數的優惠梗係有限制啦，每日用優惠價換 PS Vita TV 的名額相當少，得 30 個，真係手快有手慢無。著數 004：舊機換 PS4 優惠重開
唔想用銀聯卡買 PS4 又有無著數？一樣有，就係舊機換新機優惠。因為之前舊機換 PS4 活動反應唔錯， Sony 就決定再搞多次，想拎到舊機換新機優惠的朋友可以係 1 月 23 號至 2 月 5 號期間拎舊機（今次係 PlayStation 、 PlayStation 2 、 PlayStation 3）去旺角或者銅鑼灣 Sony Store 兌換 $300 現金優惠信，再拎優惠信去 C3 會場買 PS4 就可以平 $300 港幣。至於呢個優惠抵唔抵就由大家定奪啦。著數 005：買 The Order : 1886 同捆裝送會場限定 Tee
呢項優惠同之前提及的優惠相比吸引力就比較細，大家都知道 Sony 最中意為佢地嘅大作推出 PS4 連 Game 同捆裝，The Order : 1886 作為 PS4 獨家 Game 又點會例外？今次 C3 會場預訂 The Order : 1886 同捆裝就會送會場限定 Tee 一件，每日名額得 100 個，有興趣朋友都可以留意。最後，今次 PlayStation 又會係 2 月 6 號到 2 月 8 號期間係灣仔會展舉行的 C3 博覽 2015 上帶來乜嘢新 Game 呢？ C3 話明係日本動玩展，所以 PlayStation 帶來的新 Game 都係以日系大作為主，最多人期待的相信就係 One Piece 海賊無雙 3 、Dragon Quest Heroes：Yamiryuu to Sekaiju no Shiro（暫譯：勇者鬥惡龍群雄：闇龍與世界樹之城）同埋火影忍者疾風傳 終極風暴 4 等等，大家又有無興趣去試玩呢？
▲ 可以係 C3 動玩博覽展出意味著海賊無雙 3 正式發售日應該唔遠了。
C3 日本動玩博覽 2015
日期： 2015 年 2 月 6 日 （五）至 8 日（日）
地點： 香港會議展覽中心 3 號 BCD 廳
時間： 2 月 6 日 （五）/ 3:00pm - 9:00pm
2 月 7 日 （六）/ 12:00nn - 9:00pm
2 月 8 日 （日）/ 12:00nn - 7:00pm