主題:唔打傳說對決!天堂 M 即日有中文版!立即下載再睇下呢八個 tips

  • 發表時間:2017-12-11 14:33 收錄檢舉
    係香港,呢排被 csl 狂推嘅應該係【傳說對決】因為用佢地張 Club SIM,可以免 data 任打。另一方面,3HK 則拍了 Gaminia 力推【天堂 M】,【天堂 M】剛推出了台港澳中文版本,iOS、Android  平台同步上線。【天堂 M】有乜咁好玩?真係玩有乜 Tips? 話你知。

    唔打傳說對決!天堂 M 即日有中文版!立即下載再睇下呢八個 tips

    【天堂 M】為南韓遊戲龍頭廠 NCSOFT 所開發嘅手遊,今年 6 月喺韓國上市,Gaminia 為【天堂 M】手遊在台灣、香港與澳門市場的獨家代理商。 【天堂 M】以曾創下百萬玩家紀錄的 Online Game【天堂】為藍本,變成手遊版本,好有懷舊感覺之餘,亦可以嘅 Hit 足全球嘅【傳說對決】比較一下。【天堂 M】係 12 月 11 日零時係台港澳三地推出【天堂 M】,iOS、Android  平台同步上線。

    【天堂 M】作為年度手遊大作,一如所料吸引到好多玩家,導致一開s erver 即刻不勝負荷。正所謂「工欲善其事,必先利其器」,喺玩天堂M之前睇埋呢 8 招,助你贏在起跑線。
     

    001: 揀啱手機玩

    【天堂 M】唔係部部手機都玩到,官方已經話小米紅米系列手機係安裝唔到,但有網友話升級到MIUI 9之後就無問題,如果你係用Samsung Galaxy Note 8、Sony Xperia XZ1或HTC U11+,已知係會無法正確顯示訊息。喺官方未修復呢個問題之前,最好用其他手機玩住先。

    唔打傳說對決!天堂 M 即日有中文版!立即下載再睇下呢八個 tips


    002:用 Google 或 Facebook 登錄

    萬一你同時用 iPhone 或 Androi d手機玩【天堂 M】,有需要切換唔同手機玩嘅話,記得入 Game 前用 Google 或Facebook 帳戶登錄。唔登錄其實係可以用訪客模式去玩,但換機就唔可以繼續你嘅遊戲進度。

    唔打傳說對決!天堂 M 即日有中文版!立即下載再睇下呢八個 tips
     

    003:  早玩有著數

    所有遊戲䣟係早玩有著數,【天堂 M】都唔例外,錯過咗【天堂 M】 早前預先登錄活動都唔緊要,喺 12月11日23:59 前,遊戲裡面會有唔同嘅獎勵等緊大家。有心玩【天堂 M】 嘅記得每日簽到,都係有額外禮物。

    唔打傳說對決!天堂 M 即日有中文版!立即下載再睇下呢八個 tips
     

    004 : 記得用無限上網 Plan

    無論你係用 iPhone 定 Android 手機,裝完 Game 喺未玩之前需要下載約 1.9GB 數據量嘅遊戲包,仲未計之後嘅不定時更新,用緊非無限上網 Plan 嘅你,最好先用 Wi-Fi 下載定遊戲數據。真正玩天堂M嘅時候,所用嘅數據係好有限。

    唔打傳說對決!天堂 M 即日有中文版!立即下載再睇下呢八個 tips
     

    005:入唔到server,唯有等

    【天堂 M】  開 server 初期,可能太多人玩嘅關係,筆者等咗幾個鐘都仲未成功進入遊戲,唯一解決嘅方法,就係無止境嘅等待。好在瞓醒之後,官方稱已經解決咗呢個問題,但筆者實試後係偶然會入唔到 Server,點都好過玩唔到。

    唔打傳說對決!天堂 M 即日有中文版!立即下載再睇下呢八個 tips
     

    006:帶多個尿袋

    就算你部手機嘅電池容量有幾大都好,一打機肯定會變倒水電,所以你要預備定外置電池以備不時之需。當然,如果你部手機係可以調校顯示解像度嘅話,唔用咁高解像度都係會慳電啲,想再進一步延長手機嘅使用時間,唔好較個 Mon 咁光就得。

    唔打傳說對決!天堂 M 即日有中文版!立即下載再睇下呢八個 tips
     

    007:用模擬器有著數

    你無睇錯,雖然天堂M係手遊,不過當初好韓版推出之後好多人都係用模擬器玩,原因好簡單,就係用電腦掛機夠方便,仲可以直接用Mouse操作,畫面解像度都高好多。網上有個叫做【天堂 M Pro】 嘅模擬器,佢係建基於Android 模擬 器BlueStacks,有興趣可以試用下。

    唔打傳說對決!天堂 M 即日有中文版!立即下載再睇下呢八個 tips
     

    008:有乜問題去官網

    【天堂 M】  啱啱開 Server 可能有好多未完善嘅地方,想知相關嘅第一手資訊,官網係必然嘅選擇。萬一玩玩下發現有bug或遇到奇怪嘅問題,你可以到 https://www.antspw.com/LineageM 留底你嘅聯絡資料同角色ID,客服就會聯絡你跟進。 

    唔打傳說對決!天堂 M 即日有中文版!立即下載再睇下呢八個 tips

    立即下載【天堂 M】 :Android / iOS 

    立即加入Facebook 專頁,新聞/消息/優惠,最快知。

    01樓 ▲TOP 回列表頁