主題:四個大喇叭 遊戲專用平板! Acer Predator 8 版主親身打機體驗

ePrice HK
  • 發表時間:2015-12-21 11:20 收錄檢舉
    平板電腦的用途相當廣泛,雖然主要功用都係用來做文書工作,但亦有唔少用家利用平板電腦去作娛樂用途,包括睇片、打機等等,最主要的原因係,個芒夠大而且方便攜帶。對於中意打機的人來說,特別係打一啲 3D Game 嘅話,無強大嘅 CPU 同 GPU 嘅話,真係有機會會 lag 到死。而今年 12 月初的時候,Acer 在香港推出左一部專為打機人士而設的平板電腦,到底呢部平板電腦係咪真係咁正呢? 版主就上手為大家從外型、跑分、遊戲體驗方面作一個簡單的測試。

    四個大喇叭  遊戲專用平板! Acer Predator 8 版主親身打機體驗

    8 吋平板 + 四個指向喇叭
    Predator 8 是第一款專為電競以及手遊玩家所推出的平板電腦,具有 Predator 系列金屬風格外殼設計以及特殊的手感,機身尺吋為 127 x 218 x 8.7 mm,採用了 8 吋 IPS 材質 1920 x 1200 解像度 100% NTSC 屏幕,內建獨家 Predator ColorBlast 技術,令影像更立體細膩。Predator 8 的四隻角設有不銹鋼指向喇叭,配合 Predator Quadio 技術以及環繞音效,Acer 聲稱當你打緊機嘅時候,啲聲音好似全部都向住你嘅方向咁,音效相當震撼,咁到底實質係咪真呢? 版主等陣就話你知。

    四個大喇叭  遊戲專用平板! Acer Predator 8 版主親身打機體驗
    ▲ Predator 8 的正面,配備了 8 吋 100% NTSC FHD 高解像度顯示屏,內建 Predator ColorBlast 技術,令屏幕顏色更鮮豔。從正面來看,已經能夠明顯地看出佢同一般平板的外型有好大的分別,感覺上幾特別。

    四個大喇叭  遊戲專用平板! Acer Predator 8 版主親身打機體驗
    ▲ 機的前面上方會見到有 200 萬像素的前置鏡頭。

    四個大喇叭  遊戲專用平板! Acer Predator 8 版主親身打機體驗
    ▲ 機的背面正中部份,你可以見到有 Predator 的 Logo,銀色的金屬機背,令整體感覺更似專為打機而設的平板。

    四個大喇叭  遊戲專用平板! Acer Predator 8 版主親身打機體驗
    ▲ 機的背面上方則有 500 萬像素的主鏡頭。

    四個大喇叭  遊戲專用平板! Acer Predator 8 版主親身打機體驗
    ▲ 機的左側上方設有開放式的 microSD 卡槽。

    四個大喇叭  遊戲專用平板! Acer Predator 8 版主親身打機體驗
    ▲ 而機的右側上方你會見到有開關鍵以及音量鍵。值得注意的是,當你直向的時候,按上方的音量鍵代表音量增強,下方則代表音量減低。但如果將部 Predator 8 橫向的話,就會剛剛相反。

    四個大喇叭  遊戲專用平板! Acer Predator 8 版主親身打機體驗
    ▲ 機的頂部則有 microUSB 充電插槽以及 3.5mm 耳機孔。

    四個大喇叭  遊戲專用平板! Acer Predator 8 版主親身打機體驗
    ▲ 值得一提的是,Predator 8 的四隻角各設有不銹鋼指向喇叭,配合 Predator Quadio 技術、環繞音效以及獨家 Predator MediaMaster 應用,能夠自行選擇不同影音情境設定,令影音娛樂體驗更出色。

    四個大喇叭  遊戲專用平板! Acer Predator 8 版主親身打機體驗
    ▲ 版主拎上手試手感,覺得呢部 Predator 8 一啲都唔重,機背中間部份有少少凹落去咁,剛剛好 fit 到手指部份,令手感更舒服。

    跑分驚喜不大,3D 性能尚算不錯
    在規格配置方面,Acer Predator 8 配備了 Intel 新一代 Atom x7 處理器,最高可達 2.4GHz,是首款使用這種處理器的平板電腦。另外,Acer Predator 內置了 2GB LPDDR3L 記憶體以及 32GB eMMC 硬碟,其實對版主黎講,對於一部專為打機而設的平板電腦,2GB RAM 配 32GB ROM 實在太不夠用了。版主使用了安兔兔 v5.7.1 以及 Basemark ES 2.0 Taiji Free 來為呢部 Acer Predator 8 進行跑分測試,安兔兔結果顯示,Predator 8 的跑分為 51017 分,這個分數並沒有預期般高,不過睇番細分,GPU 3D 繪圖方面 Predator 8 有 15033 分,這個分數都還可以。至於 Basemark ES 2.0 Taiji Free 的跑分結果,Predator 8 的得分為 56.89 fps,有 60 fps 叫的話叫十分好,得出 56.89 fps 這個分數,代表玩 3D 遊戲時應該都會有不錯的表現。

    四個大喇叭  遊戲專用平板! Acer Predator 8 版主親身打機體驗
    ▲ AnTuTu 的跑分為 51017,並不是特別突出,不過從細分中可以看到,在 3D 方面的分數有 15033 分,作為一部定位係打機的平板電腦來說,這個分數還算可以。從數字來看,Predator 8 的跑分比 LG G4 略高,僅次於 Meizu MX5 以及 Moto X Style。內存方面,Predator 8 採用了 2GB RAM 以及 32GB ROM,對於真係打機的用家來說,未必夠用。

    四個大喇叭  遊戲專用平板! Acer Predator 8 版主親身打機體驗
    ▲ Basemark ES 2.0 Taiji Free 用來測試你的裝置運作 3D 遊戲時的效能,有 60 fps 代表十分好,你見到 Predator 8 的分數為 56.89 fps,仲差少少先去到十分好,但整體分數尚算不錯,相信玩 3D 遊戲時應該都會有不錯的表現。

    版主試玩賽車遊戲 Asphalt
    作為一部以打機為定位的平板電腦,咁當然唔能夠淨係靠 spec 就去判斷好定唔好啦,始終都係親身體驗下先得。不過同大家分享親身體驗之前,都係要俾大家知道佢嘅少少資料先! Acer Predator 8 採用了 Intel 第 8-LP 代 16EU 600MHz 圖像處理器,並且採用了 Predator Precision Plus 的技術,能夠提高其感應力,讓使用者在打機的時候能夠更準確的瞄準目標,降低失誤的機會,打機打得更盡興。除此之外,Predator 8 亦具有 Predator TacSence 技術,在機身左右各設置一顆震動摩打,當你打機的時候,呢兩個摩打會隨情景而震動,能夠增強逼真的感覺。另外,Acer 聲稱呢部 Predator 8 配有 4 個不銹鋼指向喇叭,當你開啟佢嘅音效時,你會感覺到啲聲音好似衝向你嘅方向咁,打機或者睇片的時候感覺更震撼。咁係咪真係做到咁逼真、感應力咁好呢? 版主就下載左 Asphalt 呢隻賽車遊戲,去親身體驗一下。


    ▲ 上手玩呢隻 Game,感覺相當流暢。由於平時少打機的關係,玩呢隻賽車 Game 覺得有點兒難操控。不過如果話玩果陣時的感覺,因為佢有震動摩打的關係,所以當架車撞的時候,就會震。咁版主係咁撞,所以就係咁震,都好合理,係咪真係更逼真呢? 版主覺得又未必,但確實就玩得更有 feel。至於因為佢嘅機背設計中間位置係有少少凹落去的關係,我覺得拎住黎打機個手感係唔錯的。音效方面,到底係咪好似 Acer 所講咁震撼呢? 由於版主當時的環境比較嘈雜的關係,儘管將部機的聲量開到最大,但果種震撼的感覺並不明顯。

    小結
    親身上手玩過呢部機之後,版主覺得,如果你純粹當佢係一部「遊戲機」的話,咁佢都算係一部唔錯的選擇,打機的體驗都相當流暢,而且佢配備左 2 個震動摩打,令到成個遊戲體驗更加有 feel。從外型上來看,佢同一般的平板電腦個樣唔同,顯得更有自己的特色,令人一望到部機,就能夠立即辨認到佢就係 Acer 的 Predator 8。版主個人對呢部機都有少少興趣,當然主要原因係佢個外型夠特別,但呢部機的價錢並不算便宜,在香港發佈的時候,建議零售價為 HK $2998。如果去細舖買會唔會話平啲呢? 咁其實我都覺呢條問題有點兒多餘,咁實係會平啲嘅,但平得唔係咁多,睇番深水埗黃金的售價,Predator 8 而家係賣緊 HK $2880,只係平得果一舊水,似乎係因為呢部機本身無咩人理,所以細舖都懶得減價。如果呢部機跌到二千五樓下,版主或者都會入番部玩下過下癮。你又對呢部 Acer 嘅 Predator 8 有咩睇法呢? 留言講下啦!
     
    在文章刊登時,Acer Predator 8 的建議零售價為 HK $2998,按這裡有詳細規格及最新賣價
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2016-01-01 12:38 檢舉
    究竟收左幾多廣告費? icon
    睇你條試玩遊戲片 畫面lag到爆炸 疾到一格格都可以話流暢icon
    部機除左有4個喇叭之外 搵唔到賣點 打機又唔掂 手機效能仲高過佢icon
    02樓 ▲TOP 回列表頁