Leica 都出防水相機! X-U Typ 113 部份規格資料流出!
|
Leica
呢部 X 系列的相機個名叫 Leica X-U (Typ 113),個「U」代表左「Underwater」,意味着這部係一部防水相機。Leica X-U (Typ 113) 擁有非常優秀的 15m 防水性能,即係話就算你將部相機跌左落 15m 深嘅水入面,部相機都能夠有效地防水,避免進水。而除左防水性能出色之外,佢嘅防撞方面亦不容小覷。根據目前流出的資料顯示,呢部相機具備 1.22m 高的防撞功能,就算你行行下街唔小心俾人撞一撞跌左部相機,都能夠有效減輕其傷害。
外型方面,Leica X-U 的設計頗為特別。佢內置左閃光燈,不過佢嘅閃光燈並不是在機身上,而是在它那固定式的鏡頭上,咁樣嘅設計的確並不常見。而規格方面,除左上述的 15m 防水以及 1.22m 防撞性能之外,仲採用左 35mm f1.7 光圈的 ASPH 鏡頭,並搭配手動調焦環,比之前的 Leica 產品略有提升。
至於價錢方面係點呢? 暫時就仲未相關嘅消息,不過相信一定唔會平! 唔知大家對 Leica 呢部新防水防撞相機有無興趣呢?
來源:PetaPixel | Leica News and Rumors