主題:未開賣,已停產? Sony RX1R II 發售無限延期?

ePrice HK
  • 發表時間:2015-12-17 21:19 收錄檢舉
    大約 11 月中的時候版主同大家分享過, Sony Cyber-Shot RX 系列的新成員 RX1R II 將會在 12 月初正式開售,其後亦俾大家睇過呢部 RX1R II 嘅實機上手圖,當時有網友留言,大讚 RX1R II 係一部不錯的相機。但而家都已經 12 月中,但都仲未有開賣的消息,更有消息指出,RX1R II 將停止生產。未開賣就停產咁大鑊? 到底係咩原因呢?

    未開賣,已停產? Sony RX1R II 發售無限延期?

    日本 Sony 官方宣佈,RX1R II 將會停止生產,所以導致發售的日期延期,不過 Sony 官方並沒有宣佈,到底甚麼時候會恢復生產。目前,美國 Amazon、Bhphoto 以及 Adorama 已經將 RX1R II 落架,但睇番香港 Sony 官網,依然顯示「優先預售」,預計取貨日期為 2015 年 12 月 29 日起,唔知會唔會影響到香港的發貨呢?

    *** 18/12 更新:以上為昨天 RX1R II 在 Sony 香港官方網頁的消息,今日再上番官網度睇,發現已經無左「優先預售」以及「預計取貨日期」的字眼,改番做「即將推出」以及「加入到貨通知」。

    未開賣,已停產? Sony RX1R II 發售無限延期?

    不過版主剛向 Sony 香港查詢,原來 Sony 香港都係剛剛收到最新通知,暫時幾時有下一批貨都未知。至於之前訂左貨嘅話,如無意外應該都會跟番訂單上的日期發貨,有關最新安排,就可能要等 Sony 香港的 Official 公佈。但版主最想知嘅係,到底無啦啦點解會停產呢? 唔通係因為 RX1R II 在生產的途中出現左啲咩野問題,未能找到修復方法,所以被逼停產? 抑或是因為其他原因? 對於呢件事你有咩野睇法?

    來源:SonyAlphaRumors | Sony Japan | Sony HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁