傳配 3600 萬感光元件! Sony A6100 有望現身

左定坤 (Cho Ting Kwan) 2016-01-04 20:29 | Sony

之前成日有傳聞指出，Sony 將會為無反相機 A6000 推出一款後繼機，有可靠消息指出，呢部後繼機將會叫做 A6100，但一直都沒有確實消息顯示呢部新機將會幾時推出。而最新傳聞指出，呢部 A6100 將會在今年初推出，亦有人話好大機會會在 CES (美國電子消費展) 上發佈。見到有唔少網友都等緊呢部 A6100，唔知呢部機有啲咩野特點呢?



最新的傳聞指出，呢部 Sony A6100 將會採用 3600 萬像素感光元件，如果真係可以上到 3600 萬像素的話，咁呢點絕對係呢部 A6100 的殺手鐧之一。另外，之前版主都同大家提及過，Sony 向傳媒發出邀請函，在 CES 的前一天美國時間 1 月 5 日下午 5 時 (即香港時間 1 月 6 日上午 9 時) 舉行發佈會，而呢部 A6100 好大機會會在呢日發佈，並且有可靠消息指出，呢部 A6100 將會在三月左右出貨。唔知大家對呢部新機期唔期待呢?

來源：Sony Alpha Rumors