續航高 2 倍!連拍、對焦更快!Sony A7R III 定價不貴?

左定坤 (Cho Ting Kwan) 2017-11-15 00:08 | Sony
Sony 全片幅無反相機 A7R 系列,一直以來都很受歡迎,版主曾經上手玩過,都好想有機會用到佢,但可惜是實在太昂貴,淨機身加枝鏡,都已經差不多我兩個月人工,真係忍唔住心中浮出一張圖片:「哪有錢.jpg」。不過問心一句,買部咁貴嘅無反相機,起碼都會用上好幾年,平均計返上黎其實係值得嘅,但也許並不是必需品的緣故,所以版主就忍住不入手。不知不覺間又過了兩年,Sony 今日在香港發表了第三代的全片幅無反相機 A7R III,香港賣價又會係幾多呢?下文再講。

Sony(Facebook).jpg

第三代 Sony A7R III 定價 + 預訂優惠

先講價錢,Sony A7R III 將於 11 月底開始發售,淨機身香港建議零售價為 $26990,相比上代 A7R II 開價略貴,見慣不少定價高的相機,而家呢個賣價嚇我唔到嘅,就算係手機如 iPhone X,都要成萬蚊啦!咁而家全片幅無反相機 A7R III 賣呢個價錢,都唔過份啦!你話係唔係先?至於舊代的 A7R II,建議零售價則會調整至 $20990,並繼續於市場發售。Sony A7R III 現已接受預訂,預訂優惠如下:

螢幕擷取畫面 (74).png

續航比上代高 2 倍!連拍、對焦速度升級

Sony A7R III 配備了 3 吋 144 萬像素翻揭式解控屏幕,具有 0.78 倍 369 萬點的電子觀景器,並支持雙插卡槽。跟上代一樣,Sony A7R III 都是用上 4240 萬像素全片幅感光元件,不同的是今次 Sony 在 A7R III 上用上了 Bionz X 影像處理器,連拍速度由原來的 5fps 提升至 10fps,而對焦速度亦大大提升。同時,A7R III 亦配備了 399 點相位檢測自動對焦點以及 425 點混合對焦系統,感光範圍為 ISO 100 - ISO 32000,並支持 5.5 級機身防震。在影片部份,A7R III 支持 4K 影片、S-Log 3 等功能。

值得一提的是,Sony 知道上一代的 A7R II 成日俾人話續航力差,A7R III 今次就用上 A9 的 NP-FZ100 電池,相比舊代的續航力高出 2 倍之多。不知聽完之後,網友又對呢部 A7R III 有沒有興趣呢?

螢幕擷取畫面 (75).png

Sony A7R III 功能特色

- 配備 4240 萬像素背照式 35mm 全片幅 Exmor R CMOS 影像感測器及進階影像處理器
- 採用靜音模式或機械快門拍攝,可連續拍攝高達 10fps,配備全自動對焦 / 自動曝光追蹤
- 採用 399 點焦平面相位檢測自動對焦覆蓋 68% 影像範圍、425 點對比檢測自動對焦功能,及比上一代高出 2 倍效率的眼部自動對焦功能
- 內置升級五軸影像防震系統,防震效果達 5.5 級
- 高像素 4K 影片拍攝,支援無像素合併全像素讀出
- 特別因應專業攝影師的需要而重新設計,包括升級自動對焦系統、雙 SD 記憶卡插槽、延長電量及兼容 SuperSpeed USB (USB 3.1 第 1 代) USB Type-C 端子
- 機身設計纖巧輕便,重量只有 657g

Sony A7R III 在文章發表時,將於 11 月底上市,建議零售價為 $26990,按這裡有詳細規格及最新賣價

最新新聞