版主上手喪玩自拍!CASIO 自拍神器 EX-TR80 影相就係咁勁?

左定坤 (Cho Ting Kwan) 2017-02-17 20:39 | Casio
版主今日無意中搵番以前自己寫 CASIO EX-TR70 自拍神器的文章,先發現原來 CASIO 的 EX-TR 系列,真係深得 ePrice.HK 網友的歡迎。無辦法,講自拍相機 CASIO 可說是始祖,全靠自拍神器打響了名氣,可惜以前 CASIO EX-TR 系列定價實在太貴,加上佢主要係為女士而設,所以版主想真係試玩下,只能靠在發佈會上的試玩。不過,之前 CASIO EX-TR70 的發佈會上,版主並無咁多時間詳細慢慢玩,而今日 CASIO 出 EX-TR80,鍾意自拍的版主,就真係要玩番夠本!就等版主同大家分享一下,我的上手試玩吧!

CASIO(Facebook).jpg

芒大左,加入雙 LED 補光燈
外觀上,版主其實真係無興趣講咁多,咪又係同以往 CASIO EX-TR 系列差不多~無乜太大特別,所以版主接住落黎會淨係集中講,EX-TR80 同上代的不同之處。首先,今次 EX-TR80 在顏色選擇上有唔同,有粉紅、黑色、白色三種。另外,今次 EX-TR80 的顯示屏幕比上代更大、更清,有 3.5 吋以及 104 萬像素,1110 萬像素鏡頭旁邊,加入了雙 LED 補光燈,目的是增強在昏暗環境下的夜拍表現。同時,EX-TR80 的外框,亦改良至 360 度旋轉式設計,鍾意手持又得,當支架又得,吊掛都得,你又覺得會唔會好用左呢?

16776097_392131957812283_1843380866_o.jpg
▲ 有人同版主講,佢覺得黑色最靚,不過版主自己就覺得,白色反而係最靚。Um...... 可能係男同女睇法的分別吧?XD

20170217_151039.jpg
▲ 近距離望,可以見到鏡頭旁邊多左兩個 LED 補光燈,一個係左,一個係右。

20170217_151047.jpg
▲ 機背下面會見到「EXILIM」的字樣。

20170217_151100.jpg
▲ 正面上方會有喇叭位。

20170217_151103.jpg
▲ 屏幕下方會見到 CASIO 的字樣。

20170217_151138_001.jpg
▲ 可以見到,鏡頭位置係可以旋轉的,不過唔係 360 度,大約只有 270 度。而外框今代則改為可 360 度旋轉。

20170217_151152.jpg
▲ 頂部會有開關鍵。

20170217_151202.jpg
▲ 機身左側會有 microUSB 插槽以及 microSD 卡槽,最高支援 64GB。

20170217_151220.jpg
▲ 右側會有快門鍵。

CASIO EX-TR80 版主喪玩自拍!自拍神器好好玩?
今代 CASIO EX-TR80,在美顏以及其他功能上,都有升級。例如設有 6 種美顏設定,包括「美顏模式」、「平滑肌膚」、「臉部亮度」、「立體感」、「除黑眼圈」以及「瘦臉」,另外仲有智能調節功能,可以分析唔同嘅拍攝環境,對人像進行智能調節。同時,EX-TR80 亦加入了比較檢視,可以在 3.5 吋的大屏幕上,比較兩張不同的相片,選擇合適的美顏數值,並設定保留沿用到下一次拍攝。其餘的功能,就基本上無乜特別,說到尾,自拍神器最大的作用,咪又係自拍~XD 即刻睇下影出嚟嘅效果仲好啦!

20170217_151814.jpg

20170217_151830.jpg
▲ 今代加入了 6 種美顏設定,當中包括「除黑眼圈」功能以及「瘦臉」功能。

20170217_151857.jpg
▲ 與此同時,你亦可以加入唔同的 Filter,例如優雅、懷舊等等,製作出合你心水的效果。

20170217_151720.jpg
▲ 加入了相片對比功能,另外亦有「收藏相片」等新功能。

CIMG0001 1.JPG  CIMG0003 1.JPG
▲ 先睇左 Model 姐姐玩先,左右兩張相都係用上唔同的效果,左邊係加強了美白,而右邊則用上鮮嫩的效果。

CIMG0002.JPG  CIMG0003.JPG

CIMG0005.JPG  CIMG0006.JPG
▲ 版主自己平時都喜歡自拍的,所以都借左部機落街,試玩下。EX-TR80 內置不同的 Filter,你可以按自己的喜好,選擇合你心水的效果。而 EX-TR80 不愧是自拍神器,自拍起上黎並不是平時的智能手機能夠媲美,細緻度表現相當不錯。可惜沒有相機可以長借,如果唔係,版主都好想試埋夜拍的表現。

小結
今代的 CASIO EX-TR80,可以話係平左又正左,建議零售價相比以往更親民,賣 $6980,而美顏功能亦比以前更豐富。今次 TR80 無左金色,多左隻黑色,其實都靚嘅,不過版主個人都係比較鍾意白色。同時,EX-TR80 自拍果然係「神器級」,版主自拍左幾張,無論係細緻度、抑或色水等方面,都令版主覺得非常滿意。可惜的是,EX-TR 系列的主要客戶群多是女性,並不是為男士而設,你話叫版主拎住呢枝嘢出街自拍,真係會好引人注目。如果 CASIO 可以出部專為男士而設的自拍神器,網友又會唔會考慮入手呢?

 

最新新聞