主題:M10、G5X、G9X 三機發佈! 從入門至進階用家都啱用!

ePrice HK
  • 發表時間:2015-10-28 14:01 收錄檢舉
    之前版主們曾經為大家介紹過 Canon 將會推出的一部無反光鏡入門級相機 EOS M10,以及兩部採用 2020 萬像素 1 吋感光元件嘅隨身機 G5X 同埋 G9X,今日終於正式在香港發佈,並且香港建議零售價方面已經公佈左。版主而家就同大家講下呢三部機嘅外型同埋相格方面係點,然後再逐一同大家講下價錢嘅詳情。

    M10、G5X、G9X 三機發佈! 從入門至進階用家都啱用!

    Canon EOS M10
    首先登場嘅係呢部無反光鏡嘅入門級相機 EOS M10。從外型方面黎睇,呢部 M10 嘅機身尺吋為 108 x 66.6 x 35 mm,淨機身重量為 265 g,如果連埋電池同埋記憶卡,就 301 g 左右。呢部 M10 將會有黑、白、灰三種顏色俾你選擇。另外,如之前所說,呢部 M10 備有自拍模式以及配備可上揭 180 度嘅多角度觸控式屏幕,當你自拍嘅時候會比較容易一啲。呢部 M10 更可使用一系列專用 EF-M 鏡頭或者經鏡頭轉接器 EF-EOS M,能夠兼容超過 60 款 EF/EF-S 系列嘅鏡頭,方便你隨時隨你心意替換,拍攝出不同的效果。

    M10、G5X、G9X 三機發佈! 從入門至進階用家都啱用!
    ▲ M10 的正面圖,你可以見到機身嘅形狀係方形,體積其實唔算好大,左上角會有 Canon 嘅字樣,而右下則寫着 EOS。

    M10、G5X、G9X 三機發佈! 從入門至進階用家都啱用!
    ▲ M10 內建閃光燈,機的旁邊會有個按鍵,可以開啟閃光燈。

    M10、G5X、G9X 三機發佈! 從入門至進階用家都啱用!
    ▲ 機的背面,你可以看到有個觸控屏,以及一些簡單的按鍵,如 MENU、相片資訊、閃光燈設定等等。

    M10、G5X、G9X 三機發佈! 從入門至進階用家都啱用!
    ▲ 採用了 180 度上揭式屏幕。

    M10、G5X、G9X 三機發佈! 從入門至進階用家都啱用!
    ▲ M10 的上方會見到閃光燈、拍攝模式、快門鍵、開關鍵等。

    M10、G5X、G9X 三機發佈! 從入門至進階用家都啱用!   M10、G5X、G9X 三機發佈! 從入門至進階用家都啱用!
    ▲ 機的左右兩邊會有 SD 卡槽、HDMI 插槽等功能。

    M10、G5X、G9X 三機發佈! 從入門至進階用家都啱用!
    ▲ 機身底部就是電池的位置。

    呢部 M10 內建 APS-C 類型 1800 萬像素 CMOS 影像感應器,採用左無縫隙微透鏡技術,能夠有助強化集光能力,加強景深嘅效果。此外,呢部 M10 亦有內建的閃光燈,不過就沒有配置熱靴。另外,M10 亦配備了 Digic 6 影像處理器,能夠提供 14-bit 影像處理,加強影像嘅細緻度。M10 同時配備了 49 組對焦點的 Hybrid CMOS AF II 對焦系統,能夠支援 49 點自動對焦。除此之外,呢部 M10 亦能夠做到最高每秒 4.6 張嘅連拍。

    在錄影部分方面,M10 能夠支援 1080P 解像度嘅影片拍攝,並能夠支援自動同埋手動曝光拍攝﹐更可手動調校快門、光圈、ISO 感光度等,方便你影到自己想要嘅效果。另外,M10 能夠支援短片伺服自動對焦 (Movie Servo AF),就算錄緊片都可以對人臉追蹤對焦。不單如此, M10 仲支援 Wi-Fi 同 NFC 連接功能,方便你影完相即時分享你嘅作品。M10 支持 SD 記憶卡、SDHC 記憶卡及SDXC 記憶卡,並兼容 UHS-I 制式。

    Canon EOS M10 將會於聽日 (10 月 29 日) 公開發售,有關價錢如下:
    EOS M10 (黑/白/灰) + EF-M 15 - 45mm (f/3.5-6.3) IS STM 鏡頭套裝  HK $3480
    EOS M10 (白) + EF-M 15 - 45mm (f/3.5-6.3) IS STM + EF-M 22mm (f/2.0) STM 銀色鏡頭套裝 HK $4780 (網上限定發售)
    EOS M10 (黑/白) + EF-M 15 - 45mm (f/3.5-6.3) IS STM + EF-M 55-200mm (f/4.5-6.3) IS STM 鏡頭套裝 HK $5480

    Canon PowerShot G5 X + G9 X
    首先都係講下外型方面,其實今日推出呢三部機都好輕巧,同樣方便攜帶。當中 G5 X 同 G9 X 係 Canon PowerShot G 系列嘅相機,而 G5 X 的體積就比 G9 X 相對大啲,G5 X 嘅機身尺吋為 112.4 x 76.4 x 44.2 mm,淨機身重量為 353g,而 G9 X 嘅機身尺吋則為 98 x 57.9 x 30.8mm,淨機身重量為 185g。

    咁呢兩部機嘅樣係點呢? 比啲外型圖大家睇下。

    M10、G5X、G9X 三機發佈! 從入門至進階用家都啱用!   M10、G5X、G9X 三機發佈! 從入門至進階用家都啱用!
    ▲ 左圖為 G5 X,而右圖為 G9 X。你可以見到 G9 X 同 M10 嘅外型有少少相似,都係簡簡單單方形嘅設計,兩部機同樣沒有配備熱靴。而 G5 X 的機身雖然都係方形,但上面你可以見到多左個熱靴,從個人來看,G5 X 的外形方面更具特色。

    M10、G5X、G9X 三機發佈! 從入門至進階用家都啱用!
    ▲ G9 X 的定位定於佢輕巧嘅外型,係目前 Canon G 系列裏面最為輕巧的一部。同 M10 兩部方形機的比較,更能突出 G9 X 的細小的機身,拎上手嘅感覺亦更輕巧。

    M10、G5X、G9X 三機發佈! 從入門至進階用家都啱用!   M10、G5X、G9X 三機發佈! 從入門至進階用家都啱用!  
    ▲ 從目標客戶群來看,G9 X (右圖) 同 M10 一樣,都係適合一些入門級的用家,所以你會見到啲按鍵會相對少啲,而 G9 X 細小的外型更是針對女士而設計。相反 G5 X (左圖),你會見到啲按鍵會多啲,比較複雜一啲,比較適合進階嘅用家。

    M10、G5X、G9X 三機發佈! 從入門至進階用家都啱用!   M10、G5X、G9X 三機發佈! 從入門至進階用家都啱用!  
    ▲ G9 X 以及 G5 X 同以往 G 系列嘅機唔同嘅地方係,以往嘅機種並不能夠用 USB 充電,而今次呢兩款新機能夠支持 USB 充電,多左一種充電方式,感覺上比較方便。

    M10、G5X、G9X 三機發佈! 從入門至進階用家都啱用!   M10、G5X、G9X 三機發佈! 從入門至進階用家都啱用!
    ▲ 同樣地,你可以見到機嘅背面都係 G5 X 多功能按鍵啲。並且你可以見到嘅係,G5 X 會多左個全新 236 萬點超高解像度電子觀景器,能夠提供約 100% 的覆蓋率。 

    M10、G5X、G9X 三機發佈! 從入門至進階用家都啱用!
    ▲ G5 X 仲配備左好似 700D 果種旋轉式屏幕。

    M10、G5X、G9X 三機發佈! 從入門至進階用家都啱用!
    ▲ 版主隻手其實只係好細隻,拎上手大概係咁樣,部機都唔係話好大。

    G5X 及 G9X 同樣配備 DIGIC 6 數碼影像處理器 HS System 技術,並且擁有 2020 萬像素特大 1 吋感光元件,呢個感光元件嘅面積比一般數碼輕便相機使用嘅 1/1.7 吋感光元件大 2.8 倍,有助加強集光能力。另外 DIGIC 6 可以處理影像數據,能夠減低雜訊。除此之外,呢兩部機都支援高達 ISO 12800 嘅感光度,有助在昏暗的環境下加強影像的清晰度。呢兩部機亦支援 14-bit RAW 檔。G5 X 及 G9 X 亦新增了自動 ND 濾鏡功能,可以在明亮環境使用慢快門拍攝。呢兩部機亦有一個賣點係,佢地係可以用 USB 充電,相對更方便。呢兩部機都支持 Wi-Fi 傳送功能。

    M10、G5X、G9X 三機發佈! 從入門至進階用家都啱用!
    ▲ 就算可以用 USB 充電,機的底部同樣會有電池位置。

    G5 X 配備了 f/1.8 特大光圈鏡頭,能夠改善低光拍攝的表現。而 G5 X 的最小焦距為 24mm,最近對焦距離為 5cm。G5 X 配備了 3 吋 270 度多角度電容觸控式螢幕,支援多點操作,可直接在屏幕上調校設定。G5 X 內建熱靴插座,方便外接 EOS Speedlite 系列閃光燈。另外,G5 X 亦支援遙控開關,方便用 Bulb 快門拍攝夜景。此外,在錄像方面,G5 X 支援全手動 1080p 短片拍攝,可手動調校快門、光圈及 ISO 感光度。在連拍方面,G5 X 的速度為每秒 5.9 張。

    G9 X 方面,佢配備左 f/2.0 特大光圈鏡頭,並擁有 28 mm 的最小焦距,同樣地,G9 X 的最近對焦距離亦都是 5cm。G9 X 配備了 3 吋電容觸控式屏幕,並不像 G5 X 一樣可以多角度旋轉。G9 X 係無配備熱靴嘅,所以只能使用內建的閃光燈。在錄影功能上,G9 X 同 G5X 的功能並沒有太大差別。G9 X 的連拍速度為每秒 6 張,相比 G5 X 快少少。

    G5 X 及 G9 X 現已公開發售
    Canon PowerShot G5 X 同 G9 X 已經公開發售,建議零售價分別為 HK $5880 以及 HK $3780。唔知大家睇完以上對呢三部機的介紹,有無少少蠢蠢欲動想買呢? 老老實實,版主我自己都就對部 G9 X 有興趣,諗緊好唔好入番部,因為佢比較輕身啲,有時去一啲比較小型嘅記者會會比較方便。你地又有無睇中邊部呢?

    立即加入Facebook 專頁,新聞/消息/優惠,最快知。

    01樓 ▲TOP 回列表頁