超輕巧級防塵防水單反抵港!Pentax K-S2 配新鏡賣價破六!

Eddie 2015-03-18 14:47 | Pentax
如果防水手機要講 Sony 既話,防水既單反就真係不得不提 Pentax ,因為佢地除左高階產品之外,亦不乏入門級的防塵防水滴產品。而今日登陸香港既 Ricoh Pentax K-S2 正正就係新一代既防水入門單反,佢既特點除左輕巧之外,亦係第一部有翻轉屏幕既防水單反機,另外配埋一支防水既新 Kit 鏡,價錢破六又抵唔抵買呢?

//timgm.eprice.com.hk/hk/dc/img/2015-03/18/25283/unrealandy_3_1442_ed3164e03c87944cbcf4333795dc1f6c.JPG

防塵防水入門機 Pentax K-S2 正式抵港!具備 Wi-Fi 、NFC 功能加反芒

之前版主虎仔都同大家介紹過呢部 Pentax K-S2 ,係版主寫文章既時侯,佢係全世界最小巧既防塵防水滴單反,機身大小是 122.5 x 91 .72.5 mm ,如果相對於其他入門機佢唔係特別輕,都有 678g (連電池和記憶卡),不過考慮到佢機身有 100 個地方做到防塵防水加工,耐用度可以方面比較可靠,這個重量也是合理的。

影像質素方面, Pentax K-S2 採用了 2012 萬像素的 APS-C 感光元件,最高 ISO 可以達到 51200 ,而它有 11 點對焦點(中間 9 點是十字),可以支援最低 -3EV 光永的自動對焦,可以做到 5.5fps 的連拍速度,機身有 SR (Shake Reduction) 防手震,可以做到 3.5 級的防震作用,這樣的規格在入門機也是合格的,而它的 3 吋屏幕是可以 180 向前與 90 度向下翻轉,方便自拍和「高炒」、「低炒」取景,而作為一部防水機,它也是有 Wi-Fi 與 NFC 功能,如果用無線過相就唔需要成日攞 SD 卡出來,也是幾方便的。

隨著新機的發佈, Pentax 亦發佈了一支新鏡頭 Pentax-DA L 18-50 F4-5.6 DC WR RE ,這支鏡頭同樣是採用全天侯設計,具備防塵防水滴功能,不過它就採用「伸縮鏡」設計,所以收起來只有 41mm 的厚度,有更強的便攜性。

Pentax K-S2 現在開賣了基本顏色有黑 x 橙、黑色與白色三種可以選擇,亦有 7 款特別顏色(需要訂購),包括雨林綠色、沙漠色、岩石灰色、白 x 螢光綠色、黑 x 螢粉紅色、白底 x 黑色條紋和 黑底 x 白色條紋,價錢方面淨機身是 $5,690 ,而連 18-55 F4-5.6 DC R RE 新鏡頭價錢賣 $6,490 ,相對於其他入門單反差不多,不過就有齊反芒、防水、Wi-Fi + NFC 、防震,會唔會係網友們既首選?

//timgm.eprice.com.hk/hk/dc/img/2015-03/18/25283/unrealandy_3_1442_1cb8d972e8750fc86631372d491ece66.JPG
▲版主上手睇過,其實機身是相當小巧,有防水真是適合戶外使用,而除了基本 18-50 之外,亦有雙鏡(18-55 + 55-200) 組合賣 $7,490 或者連高階點的 18-135 WR 防水鏡組合賣 $8,990。

全球最細防塵防水滴單反 Pentax K-S2 正式發表
▲有多種顏色可以選擇,最頂的三款基本色已經有得賣,而下面 7 種特別色是需要訂的

在文章發佈的時侯,Pentax K-S2 淨機身定價 $5,690 ,連 18-55 鏡頭定價 $6,490 ,按此看詳細規格與最新賣價

最新新聞