記得上星期有幾日，幾乎全個 ePrice.com.hk 也是三星新聞！版主當然唔想單一品牌洗版，但 Samsung 產品線，真係好長好多！好似在今晚凌晨兩點 (21/6 2am) ，Samung 會在英國倫敦舉行「Samsung Premiere 2013 GALAXY & ATIV」發佈會。據知會展出的產品，幾乎包括了大家都會留意的 IT Gadgets: 全新 ATIV 筆電、全新 ATIV 平板電腦、還有 Android 無反相機、Android GALAXY 相機、GALAXY 手機與平板！ePrice 的版主 Alex 及版主丹尼爾，已身在英國倫敦，今晚 21/6 凌晨兩點，會現場直擊發佈會。ePrice 版主們，會立即為大家送上 圖文直擊及最快產品資訊，大家又要唔駛瞓啦!
英國 Show Off！手機以外再搶市場!
Samsung 在手機及平板方面，受歡迎程度大家都知。當然，有不少網友也睇唔過他們的野心。但事實上，他們進取心不輕。今晚，凌晨兩點，即 21/6 2:00am，Samsung 會在倫敦舉行 「SAMSUNG PREMIERE 2013 GALAXY & ATIV 發表會」不要睇少是次發佈會，三星香港請了十多個香港媒體及網站參予，當中包括了版主 Alex。而剛完成了 Huawei Ascend P6 採訪的台灣版主丹尼爾，亦會參予其中！可見，無論是三星，或是 ePrice.HK 都多重視今次的發佈會。
▲ 英國倫敦的 Earls Court 是 Samsung 很愛用的發佈會地點，上年的 Galaxy S3 全球發佈會地點，就是在這裡舉行。
根據 ePrice.HK 收到的最新消息，今次發佈會登場的產品，品種十分多。除了 Galaxy 系列手機，好大可能有 ATIV 系列 Windows Phone! 但相信重點之重有兩個：Android 系列相機、及 Windows 8 系列的筆電及平板電腦！
首部 Android 無反相機
幾乎可以肯定，今晚發佈會，主角一定有它：首款 Android 系統無反相機 (或者 Panasonic 愛用的換鏡相機)，型號估計為 Galaxy NX，這部新機應該擁有 2030 萬像素 APS-C 感光元件，並具備 4.3 吋電容式觸控螢幕。從傳聞的相片裡，Galaxy NX 走專業路線，機身之大，尤如一部傳統單反！當然，可換鏡頭，加上 Android 系統的無線連結功能，高質素相片，影完即 Share，唔駛再用 WiFi 駁電腦，其他廠家的相機，一定做不到。無反＋Android，係咪咁 Work!? 網友要留意了!
▲ Samsung Galaxy NX 無反光鏡機種，採用 Android Jelly Bean 作業系統。
▲ 網友還記得有部長鏡相機叫 Samsung Galaxy Camera 嗎？雖然換不到鏡頭，但應該會有後繼版。可能叫做 Samsung Galaxy Camera 2。
ATIV 戰線 有平板，有筆電
對於三星，大家只會記得 GALAXY 副品牌。GALAXY 代表了 Android 系統，咁 ATIV 就會係 Windows 系統了。ePrice 收到的消息，ATIV 產品線，大約會有四件新品。Samsung 把旗下筆電產品 Series 9/7/5 等，更名為 ATIV Book 系列，相信四件新品中，ATIV Book 系列會有新機登場。近日 Sony 推出 VAIO Pro、MacBook Air 又有新作推出更新，相信當中重點筆電，一定是用來打這兩套的。若果大家要換筆電，不妨可以等埋今晚，再作考慮。版主一向都覺得，Samsung 的筆電，在設計方面，也很有型，唔輸得過其他大廠的。
▲以 MBA 為追擊目標的 Series 9，會再作出進化嗎？
▲ 大家可能只記得 Galaxy Tab，但相信今次發佈會，會加入 ATIV 的 Windows 8 平板
手機平板，版主親手試
至於手機及 Android 平板，消息指出，多數係一些已發佈，但未賣街的產品，如 Galaxy S4 Zoom，可傾電話，又上到網的 Android 相機；S4 防水版: Galaxy S4 Active，還有 Galaxy Tab 3 系列。告訴大家，今次香港媒體團，要應付三星眾多產品，而三星今次講明想大家主力講相機、講筆電。而因為 ePrice 除了版主 Alex，也又俊朗版主丹尼爾助陣負責手機、平板部份，相信你只要睇實 ePrice，我們應該會有三星手機平板的一手試玩！大家留意 ePrice.HK 的報導啦!
▲ Galaxy S4 Zoom, Galaxy S4 Active。若果發佈會現場，有放出來，我們必會試玩！
ePrice.com.hk 凌晨全程直擊
版主 Alex 及版主丹尼爾，已人在英國，準時入場為大家直擊報導。版主 Keith 與 版主 Eddie，會同步在香港，發放現場圖片，版主 Alex 會即場用文字更新。會後立即有產品資訊，大家要留意今晚凌晨 12 時的直擊專頁啦! 版主努力更新， 網友會支持吧！等你啦!按這裡睇 「Samsung Premiere 2013 GALAXY & ATIV」發佈會現場直擊
更多參考資料
- Galaxy S4 Zoom 詳細規格
- Galaxy S4 Active 詳細規格
- Galaxy Tab 平板詳細規格
- Galaxy NX 相機傳聞