主題:即影即印! 有得影貼紙相! 寶麗萊推兩相機!

ePrice HK
  • 發表時間:2015-11-30 17:36 收錄檢舉
    仲有唔夠一個月就到聖誕,相信唔少人都開始計劃緊去旅行。如果你有計劃去旅行嘅話,相信你應該不會錯過影相留念嘅機會。但當你去到影相,部相機忽然間壞左,又無 backup 咁點算? Polaroid 推出左兩部相機 -  Polaroid Snap 以及 Polaroid Cube+,顏色風格上差不多,但各有特色,適合去旅行時使用。

    即影即印! 有得影貼紙相! 寶麗萊推兩相機!

    Polaroid Snap 即影即印貼紙相,唔洗用墨水
    Polaroid Snap 是一部數碼即影即印相機,同市面上一般的即影即有相機差不多,都是可以即時打印照片,不過在外型上,Polaroid Snap 的機身相對更為輕巧,體積只有 23 x 74 x 120 mm,便於攜帶。取景器同時亦是開關鍵,當你按下的時候就會自動彈起,而機的側面設有 microSD 卡槽,能夠支援最高 32GB 的儲存空間,就算係印完出黎嘅相,你依然能夠留住 Softcopy 在你的 microSD 卡中。

    Polaroid Snap 內置 1000 萬像素影像感測器以及 f/2.8 光圈定焦鏡頭,並採用左 Zink Zero Ink Printing 技術,唔需要任何色帶或者墨水匣,只需要利用熱感就可以印出 C、M、Y 三種顏色,唔洗驚出現無墨嘅問題,而且張相打印的途中,你都仲可以繼續拍攝,唔駛呆呆地等佢印完先再影,省卻左唔少時間。Polaroid Snap 內置左 3 種唔同嘅拍攝模式,包括左彩色、黑白同埋懷舊。值得一提嘅係佢嘅 Zink 相紙,底層塗有粘合劑,讓你影出黎嘅唔單止係普通照片,仲係一張貼紙相。至於售價方面,Polaroid Snap 的建議零售價為 HK $1090,有黑、白、紅、藍四種顏色,並於 Log On、連卡佛、HMV 以及各大寶麗萊經銷商全線發售。

    即影即印! 有得影貼紙相! 寶麗萊推兩相機!

    Polaroid Cube+
    今年 1 月嘅時候,Polaroid 發佈左 Cube 運動式相機,到 6 月嘅時候再發佈多一款加入了 Wi-Fi 功能的 Cube+,而家香港都終於有得賣,售價為 HK $1290,有紅、黑、藍、白四種顏色可以選擇,並於 Log On、HMV、連卡佛以及寶麗萊各大經銷商有售。在外型方面,Polaroid Cube+ 體積只有 35 x 35 x 35 mm,方便攜帶,而且仲備有防水濺、防震嘅功能。另外,Cube+ 的機身底部置有磁石,可以隨意固定在金屬表面。配置方面,Polaroid Cube+ 採用左 800 萬像素 124 度廣角鏡頭配 f/2.0 光圈,並支援全高清 1440p / 1080p / 720p 攝錄功能。另外,Polaroid Cube+ 新增了 Wi-Fi 傳輸功能,並強化了弱光性能,最多支援 128GB 的 microSD 卡。

    即影即印! 有得影貼紙相! 寶麗萊推兩相機!
    ▲ Cube+ 的外型是立方體的設計,而且體積非常輕巧。

    即影即印! 有得影貼紙相! 寶麗萊推兩相機!
    ▲ Cube+ 新增了上一代沒有的白色。

    以上介紹嘅兩款相機,都係一啲非常輕巧,方便攜帶嘅相機,唔知大家對呢兩款相機有咩野睇法呢? 如果得呢兩部相機俾我揀,或者我會偏向 Polaroid Snap 多啲,因為可以即時打印貼紙相,中意可以將張相放入銀包又得,痴落 MacBook 度都得,而且都幾方便。你又會點揀呢?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁