HTC RE 外型+150 度廣角! Letv 首推具直播功能運動相機!
|
情報分享
首先外型方面,呢部勁趣運動相機一眼睇落去,就令人聯想起 HTC RE,版主心諗:嘩! 乜咁似樣嘅? 如果你唔記得 HTC RE 係點嘅樣,可以睇番版主 Keith 好耐之前的上手實拍。勁趣運動相機採用了橢圓曲面設計以及 180 度可旋轉鏡頭的專利轉軸設計,可以彎曲或者拉直,呢點係 RE 係做唔到的。佢嘅機身體積為 25 x 35 x 108mm,適合在各種運動場景上使用。
▲ 外型上同 HTC RE 差不多。
至於功能方面,勁趣運動相機採用了安霸 (Ambarella) A7 圖像處理器,配備了 150 度高清廣角鏡頭以及 Sony Exmor R 1600 萬像素感光元件,同時亦支持 1080p、每秒 50 幀的高速攝影、快拍、連拍、定時拍攝、延時拍攝等功能。另外,呢部相機是全球首款自帶直播功能的運動相機,可透過手機直播 720p 影片,能夠做到真正意義上的實時分享。除此之外,勁趣運動相機能夠支持最大 64GB microSD 卡,內建的電池能夠支援 2 小時影片錄製。
樂視體育也針對它推出一系列的周邊配件,包括行車記錄器底座、頭帶、胸帶、充電底座、以及可以支援水下 40 公尺操作的潛水殼,配合佢嘅配件,能夠做到防水、防塵、防撞的功效,但機體本身似乎並不支援防水防塵。
▲ 唔知大家覺唔覺得呢部勁趣運動相機同 HTC RE 好似樣呢?
呢款相機目前在京東眾籌網站上進行集資,你可以選擇「無私支持」,但你並不會得到回報。如果你支持人民幣 1 元的話,就會以抽獎形式選取幸運兒,每 800 個支持者中,只會抽取 1 名幸運兒得到這部運動相機。如果你想 100% 得到這款運動相機,就需要付出至少人民幣 499 元 (折合港幣約 HK $603),名額只有 100 個。不過從目前來看,這款運動相機並不怎麼受歡迎,主要原因是因為佢嘅外型太似 HTC RE。唔知大家又點睇呢?