主題:Flickr 最新研究: Apple 「相機」使用人數,五年間竟超越 Canon?

ePrice HK
  • 發表時間:2015-12-21 12:47 收錄檢舉
    對於唔少攝影愛好者黎講,Flickr 絕對係一個不能缺少的軟件,而版主我亦都曾經使用過。點解我會話不可缺少呢? 因為 Flickr 無論在上傳、管理、瀏覽照片上都很方便,而且仲有保留原圖,所以我以前都成日用佢。而最近 Flickr 根據網站內的相片,進行左一項研究:到底各相機品牌在過去的 5 年表現如何呢?但估唔到,資料顯示,近呢 5 年躍升得最快嘅,竟然並不是 Canon、Nikon、Sony 等相機大頭,而是尚未觸及相機市場的 Apple。

    Flickr 最新研究: Apple 「相機」使用人數,五年間竟超越 Canon?

    其實月初的時候,Flickr 已經針對 2015 年上傳至網站的相片進行一項調查,目前 Flickr 的用家使用最多的「相機」是智能手機,佔所有用家的 39%,而單反相機則排第二位,佔左 31%。而今次呢項研究,則想了解更多近呢 5 年來 Flickr 用家使用各品牌相機人數的改變。

    Flickr 最新研究: Apple 「相機」使用人數,五年間竟超越 Canon?
    ▲ 月初的時候,Flickr 所進行的調查,最多 Flickr 用家使用的裝置是智能手機,佔左 39%。

    Flickr 最新研究: Apple 「相機」使用人數,五年間竟超越 Canon?
    ▲ 而統計所有在 2015 年上傳的相片,發現有 42% 的相片是來自 iPhone。

    Flickr 最新研究: Apple 「相機」使用人數,五年間竟超越 Canon?
    ▲ 以上係最近一項研究結果,Flickr 選取了最多人用的 6 個品牌進行統計,包括 Apple、Canon、Nikon、Samsung、Sony 以及 Fujifilm,到底呢啲品牌相機的使用人數有咩變化呢? 調查發現,喺五年前,在 Flickr 的用家當中,使用 Canon 的人數差不多有 36%,遠遠拋離其他競爭對手,但呢幾年特別係 2012 年開始,使用人數開始下降。反觀 Apple,在五年前 Apple 使用人數只有大約 7 %,但呢 5 年來佢衝得好勁,到今年已經成為最多 Flickr 用家使用的拍攝裝置。

    另外,Flickr 亦為 2015 年最受 Flickr 用家歡迎的二十大拍攝裝置製作了一個排行榜,榜中我地可以見到,Apple 的裝置佔了八個排名,第一名至第六名的都是 iPhone,而到第七名,先見到有其他大廠的相機,無錯係 Canon 的 EOS 5D Mark II。


    Flickr 最新研究: Apple 「相機」使用人數,五年間竟超越 Canon?

    另外,唔少用家都唔係淨係用一個品牌嘅相機影相,可能佢地有時會用部 iPhone 影,有時會用下單反機影,呢樣野相信在座唔少人都係咁。因此,Flickr 亦另外做左個調查,就係 Flickr 用家使用相機的品牌配搭。從調查結果我地可以得出,使用 Apple 搭配 Canon 的人數係最多,佔左 18.52%。不過呢點我諗都唔難推斷,因為繼 Apple 之後,Canon 本身已經佔左 Flickr 大部分的客戶群,所以 Apple + Canon 呢個組合奪冠,係實至名歸的!

    Flickr 最新研究: Apple 「相機」使用人數,五年間竟超越 Canon?

    當然,以上的調查只是根據 Flickr 的用家進行統計,並不代表實際的市場情況,只是可以當作一個參考。不過我地其實都可以留意到,本來 Flickr 呢個網站最多人用嘅品牌是真正嘅相機大廠,但隨住智能手機愈來愈發達,啲人開始用多左智能手機,用智能手機上傳照片去 Flickr 的人數漸漸拋離相機品牌。或者過多 5 年,個結果會變左過半的 Flickr 用家都使用智能手機拍攝,呢點真係話唔埋。你係唔係其中的一分子呢?

    來源:PetaPixel (2/12) | PetaPixel (18/12)

    立即加入Facebook 專頁,新聞/消息/優惠,最快知。

    01樓 ▲TOP 回列表頁