呢部由小米出品的 360 Cam,全名叫做「米家全景相機」,採用了方形設計,機身體積為 78 x 68 x 24mm (最薄處 12mm),相當纖薄,包含兩個 190 度超廣角魚眼鏡頭,每個鏡頭都有 F2.0 大光圈,配合 Ambarella A12 圖像處理和 Sony IMX 206 感光元件,有效像素高達 2388 萬,可以拍出 7K 靜態全景照片以及 3.5K 超高清全景影片,並提供了球面、平面、小行星、全景四種視角,以及全景延時影片、全景長時間曝光等多種玩法。而全景影像亦可以透過手機以及 VR 虛擬實境兩種模式觀看,仲可以透過專屬 App 直接 upload 上社交網站。
除此之外,米家全景相機亦有 IP67 級別的防水防塵功能,除左可以做到完全防塵之外,更可以浸在一米水深中 30 分鐘,無論係惡劣天氣,抑或拍攝水上運動,理論上應該可以應付自如。同時,米家全景相機亦支持硬體級 6 軸電子防震,拍攝中能夠對翻轉、俯仰、偏航實時矯正,讓畫面更加流暢。就咁睇介紹,聽落就好似幾吸引咁,就連版主都少許心動的感覺。不過實際成像質素如何,都要親身試過才知道,當然我係唔會特登買啦,版主已經借了這部米家全景相機,返屋企慢慢試玩,遲下放假會同大家去一些靚嘅地方,用呢部 360 Cam 影多啲靚相俾大家睇啦!網友對呢部 Cam 又有乜睇法呢?
▲ 米家全景相機外型。
▲ 上方有開關鍵、錄影鍵以及 Wi-Fi 鍵。
▲ 而側面則有 USB 插槽 + microSD 插槽。
米家全景相機規格資訊
處理器 | Ambarella A12 |
圖像感測器 | Sony IMX 206 |
防水防塵能力 | IP67 級防水防塵 |
續航時間 | 常溫且滿電狀態下,Wi-Fi 開啟可錄製 75 分鐘全景影片,Wi-Fi 關閉可錄製 90 分鐘全景影片 |
充電時間 | 約兩個小時充滿 |
特點 | - 兩個 190 度魚眼鏡頭 - 有效像素高達 2388 萬 - IP67 防水防塵 - EIS 電子防震 - 手機預覽及 VR 預覽兩種模式,配合小米 VR 眼鏡基礎版 - 後期編輯功能: 剪輯、添加背景音樂、選擇濾鏡等,更可透過相機獨立 App 分享至 Facebook 等社交平台 |
CMOS 尺寸 | 1/2.3 |
顏色 | 黑色 |
尺寸 | 78 x 68 x 24mm (最薄處 12mm) |
重量 | 108g |
電池容量 | 1600mAh |
工作溫度 | -10 至 45 度 |
售價 | $1999 |