• ​你有需要嗎?iPhone 驗精套裝
    ​你有需要嗎?iPhone 驗精套裝
    相信好多睇 ePrice.hk 嘅網友都係男生,你有冇擔心過,自己嘅精液裡面精緻數量不足呢?如果你諗住傳宗接代,呢個問題影響深遠,不容忽視㗎!如果努力好耐都冇 BB,隨時係男士精子不足引致,一般要檢查就要去診所,將精液交俾醫生進行化驗。而家有另一個方法,跳轉話你知!

    日本有公司開發咗一套 Seem Kit 的 iPhone 驗精套裝,圖中裡面有一塊俾 iPhone 用嘅小型鏡片同埋一隻杯仔。只要將少量精液放在鏡片上,再打開 iPhone 的 Seem App,軟件會自動拍攝影片並且自動對影像進行分析,將樣本的精子數量和正常作比對。

    ​你有需要嗎?iPhone 驗精套裝

    開發商表示日本男士好怕醜,唔願意去診所求診,呢套 Seem Kit 就正正適合佢哋。可惜嘅係,雖然 Seem Kit 只係賣 5,000 日圓(折合 HK$364),不過開發商只係生產咗 500 套,香港網友有需要都係搵醫生幫手啦!

    資料來源:i4u