• 溫馨提示有靈體!做夜更麥當勞外賣仔真係搵命搏
    溫馨提示有靈體!做夜更麥當勞外賣仔真係搵命搏
    當時間已經接近凌晨零時,夜媽媽唔想出街,但又有啲肚餓,你會點做?相信唔少網友都會考慮叫外賣。最近網上就流傳一張麥當勞「麥麥送」嘅外賣收據,一個柯打 HK$72.5 雖然唔平,不過要外賣員送上門已經好辛苦,而且仲要搵命搏,點解?跳轉睇埋落去就知道。


    溫馨提示有靈體!做夜更麥當勞外賣仔真係搵命搏
    叫外賣嘅 Yu 先生住係藍田平田邨平旺樓,喺佢張外賣收據嘅地址備註欄,竟然寫住「此地址層樓有靈體,備註外賣員不必要看防煙門後留低,最好必須念經帶護身符前來,免得日後遭遇麻煩」,而特別指示再提醒「必須佩戴護身符」。

    有網民翻查資料,發現該大廈以往曾經有多宗上吊、跳樓及燒炭自殺發生過。雖然唔知呢位 Yu 先生係好心提醒,抑或有心玩嘢,不過收到呢個柯打,唔知邊個外賣員咁夠膽上門送外賣呢?

    資料來源:Jess Lai / Facebook
    • 2018-07-10
    • 暱稱:虎仔
    • 文章分類:網上奇趣
    • 閱讀 5519 次
    • 1篇討論