• 向 LEGO 電影致敬?!LEGO「四仔」網上現身
    向 LEGO 電影致敬?!LEGO「四仔」網上現身
    唔知網友新年期間睇咗幾多套賀歲片呢?其實喺農曆新年期間上畫嘅,仲包括《LEGO 英雄傳 2》,呢套 CG 動畫明顯係以兒童觀眾為主。假如你已經年紀一把,但依然喜愛 LEGO,網上有一套真人版 LEGO 成人電影《The Laygo Movie》,特別為你而設,四仔自然唔可以用 LEGO 嘅名,但裡面大戰連場嘅男優女優都變身 LEGO Minifig,非常頂癮。版主虎仔為網友搵嚟「乾淨版」嘅電影預告,跳轉有得睇。要睇完整版,上網用電影名搜尋一下就可以。
    繼續閱讀
  • 淺水灣野生捕獲!野豬游水快過帆船
    淺水灣野生捕獲!野豬游水快過帆船
    野豬係近期其中一個新聞熱話,幾星期前有政客懶醒要求政府捕獵野豬,然後將佢哋捉去無人島,等野豬唔好再喺市區出沒。漁護署之後就向公眾解釋指野豬游泳能力好強,如果無人島食物不足,野豬係會游水到其他地方揾食。踏入豬年冇幾耐,有帆船愛好者就喺淺水灣對出海面,「野生捕獲」野豬新春渡海泳嘅英姿,咪以為野豬有返咁上下份量會游得好慢,睇片同帆船航行嘅速度有得揮呀!跳轉睇片!
    繼續閱讀
  • 3 分鐘魔術短片,點解似笑片多啲?
    3 分鐘魔術短片,點解似笑片多啲?
    要做一個成功嘅魔術師有好多條件,不過最重要嘅一個條件,可能係帶眼識人,尤其係好好選擇身邊嘅朋友。一條 3 分鐘嘅魔術短片,唔知點解似笑片多啲,一路睇落去,好想知道魔術師幾時會打佢朋友一身。唔信?跳轉睇片。
    繼續閱讀
  • 拜年唔識打牌點算好?入嚟睇睇極速學識
    拜年唔識打牌點算好?入嚟睇睇極速學識
    農曆新年期間周不時都聽到麻雀耍樂嘅聲音,「霹靂啪嘞」聲音此起彼落的確幾好氣氛,不過對於唔識打牌嘅朋友,見住朋友屋企人開枱,自己只可以望住無聊嘅電視或者玩手機,又真係好鬼冇癮,最慘都莫過於要陪啲小學雞玩低能遊戲,唔想咁樣可以點樣?跳轉入嚟學下點打香港麻雀啦,就算冇份落場打四圈,起碼坐喺側邊都睇得明。
    繼續閱讀
  • 極可愛!北極熊松鼠溜冰廣告
    極可愛!北極熊松鼠溜冰廣告
    好多網民都話香港的電視節目水平每況愈下,版主虎仔則加多一句,就連廣告短片亦不及以往好睇。以往嘅大堆頭大製作不復見,用心拍攝嘅廣告亦變得越來越少,幾秒鐘冇內容嘅煙花片段都可以喺黃金時段出現,就知道水平有幾低落。反而外國就有唔少用心嘅廣告,電視頻道 ITV Choice 最近為了宣傳真人騷《Dancing On Ice / 花樣冰舞》,製作了一條非常好睇嘅動畫。版主虎仔覺得勁正,決定同網友分享一下,跳轉去片。
    繼續閱讀
  • 好多靚女,個個身材仲鬼咁惹火......
    好多靚女,個個身材仲鬼咁惹火......
    鍾意睇靚女已經唔再係男生專利,版主虎仔唔少女性朋友,周不時喺街都會睇女,而且仲會評頭品足。偶爾仲會喺 WhatsApp 群組傳埋啲靚女片,唔少都身材火辣,最近版主嘅 WhatsApp 就收到女生開心 Share 嘅靚女片段,群組內嘅男生都睇到要拎紙巾(因為索到流鼻血),直到大家睇到片段下面一小段 9 個中文字嘅描述。究竟係咩?跳轉睇完片再話你知。
    繼續閱讀
  • 太興炒碟牛河都用機械人,60 歲要搵工真係咁容易?
    太興炒碟牛河都用機械人,60 歲要搵工真係咁容易?
    政府高官話 60 歲先至係中年,如果 60 歲冇嘢做要申請公援就要努力搵工,否則會被扣公援當成懲罰。究竟有咩工作可以啱 60 歲嘅人做呢?廚房工好辛苦,成日話無後生仔願意入行,相信 60 歲嘅中年人都唔介意去做。可惜最近網上流傳一段短片,太興用機械人負責整乾炒牛河,阿姐只係幫手執頭執尾,相信好快機械人就可以完全取代人手,到時唔好話 60 歲,30 歲都未必有工開!跳轉睇片!
    繼續閱讀
  • 咁樣砌模型更有型!高達粉絲邊砌邊拍片
    咁樣砌模型更有型!高達粉絲邊砌邊拍片
    除非你係一名毒 L 單身 9,否則要買一盒高達模型返屋企,隨時要被家中「海關」審批,過五關斬六將加上簽訂喪權辱國嘅條款先可以。既然難得可以買一盒高達模型返屋企,點先可以玩得最盡?日本一名高達模型粉絲就諗到,一邊砌模型一邊拍攝過癮嘅 Stop Motion 動畫,好好享受砌模型嘅樂趣之餘,亦同時有條片可以留念,港男們不妨考慮一下,因為唔知幾時屋企嘅港女發脾氣,高達模型會首先被「處理」。
    繼續閱讀
  • 更爆笑更抵死!法國版《城市獵人》預告有得睇
    更爆笑更抵死!法國版《城市獵人》預告有得睇
    上星期版主虎仔分享過動畫《城市獵人》劇場版,將會稍後於日本上映,其實差不多相同時間,法國拍攝嘅真人版《City Hunter / Nicky Larson et le parfum de Cupidon》亦會喺 2 月 6 日於法國上映,最後預告日前正式公開,版主虎仔覺得雖然全部換上法國演員,但比起以前成龍嘅版本更加忠於原著,爆笑得來非常抵死,而且笑位就連聽唔明法文都笑得出。唔知有冇發行商考慮配音之後引進香港呢?跳轉去片。
    繼續閱讀
  • 新年做乜好?睇賀歲盃好過對住三姑六婆
    新年做乜好?睇賀歲盃好過對住三姑六婆
    唔知有幾多網友同版主虎仔一樣係球迷?要睇好波好多人都會揀英超、西甲、德甲、意甲,不過如果講到好氣氛,當然要入場睇波,兼且睇本地波。之前省港盃有去大球場睇港隊後生仔捧盃嘅網友,都應該感受到有幾熱血同興奮。如果想新年感受下 Hyper 嘅氣氛,睇賀歲盃可能係一個選擇,年初一同年初三舉行嘅賀歲盃有港聯、山東魯能、簽咗費托嘅鳥棲砂岩同埋奧克蘭城 FC。版主虎仔以往都係賀歲盃常客,同班 Friend 入場一齊嗌好過對住拜年嘅姨媽姑姐。跳轉聽下今年賀歲盃嘅主題曲,幾有型喎!
    繼續閱讀