• 太興炒碟牛河都用機械人,60 歲要搵工真係咁容易?
    太興炒碟牛河都用機械人,60 歲要搵工真係咁容易?
    政府高官話 60 歲先至係中年,如果 60 歲冇嘢做要申請公援就要努力搵工,否則會被扣公援當成懲罰。究竟有咩工作可以啱 60 歲嘅人做呢?廚房工好辛苦,成日話無後生仔願意入行,相信 60 歲嘅中年人都唔介意去做。可惜最近網上流傳一段短片,太興用機械人負責整乾炒牛河,阿姐只係幫手執頭執尾,相信好快機械人就可以完全取代人手,到時唔好話 60 歲,30 歲都未必有工開!跳轉睇片!
    繼續閱讀
  • 咁樣砌模型更有型!高達粉絲邊砌邊拍片
    咁樣砌模型更有型!高達粉絲邊砌邊拍片
    除非你係一名毒 L 單身 9,否則要買一盒高達模型返屋企,隨時要被家中「海關」審批,過五關斬六將加上簽訂喪權辱國嘅條款先可以。既然難得可以買一盒高達模型返屋企,點先可以玩得最盡?日本一名高達模型粉絲就諗到,一邊砌模型一邊拍攝過癮嘅 Stop Motion 動畫,好好享受砌模型嘅樂趣之餘,亦同時有條片可以留念,港男們不妨考慮一下,因為唔知幾時屋企嘅港女發脾氣,高達模型會首先被「處理」。
    繼續閱讀
  • 更爆笑更抵死!法國版《城市獵人》預告有得睇
    更爆笑更抵死!法國版《城市獵人》預告有得睇
    上星期版主虎仔分享過動畫《城市獵人》劇場版,將會稍後於日本上映,其實差不多相同時間,法國拍攝嘅真人版《City Hunter / Nicky Larson et le parfum de Cupidon》亦會喺 2 月 6 日於法國上映,最後預告日前正式公開,版主虎仔覺得雖然全部換上法國演員,但比起以前成龍嘅版本更加忠於原著,爆笑得來非常抵死,而且笑位就連聽唔明法文都笑得出。唔知有冇發行商考慮配音之後引進香港呢?跳轉去片。
    繼續閱讀
  • 新年做乜好?睇賀歲盃好過對住三姑六婆
    新年做乜好?睇賀歲盃好過對住三姑六婆
    唔知有幾多網友同版主虎仔一樣係球迷?要睇好波好多人都會揀英超、西甲、德甲、意甲,不過如果講到好氣氛,當然要入場睇波,兼且睇本地波。之前省港盃有去大球場睇港隊後生仔捧盃嘅網友,都應該感受到有幾熱血同興奮。如果想新年感受下 Hyper 嘅氣氛,睇賀歲盃可能係一個選擇,年初一同年初三舉行嘅賀歲盃有港聯、山東魯能、簽咗費托嘅鳥棲砂岩同埋奧克蘭城 FC。版主虎仔以往都係賀歲盃常客,同班 Friend 入場一齊嗌好過對住拜年嘅姨媽姑姐。跳轉聽下今年賀歲盃嘅主題曲,幾有型喎!
    繼續閱讀
  • 又靚又叻!睇下國泰空姐生活點樣過
    又靚又叻!睇下國泰空姐生活點樣過
    雖然近年唔少人對於國泰航空嘅評價越來越差,但搭國泰仍然係版主虎仔搭長途機嘅首選。尤其係自己一個飛的時候,夜晚行去 Pantry 飲杯水,見到同聲同氣嘅空姐空少,如果對方得閒可以吹一兩句水,唔多唔少都多一份親切感。尋日國泰上載咗短片,介紹空中服務員嘅生活,其實空姐空少工作絕不輕鬆,下次搭國泰不妨寬容啲,俾多少少笑容,西口西面嘅西客行為,大家香港人就無謂為難對方了。跳轉睇片。
    繼續閱讀
  • 童年回憶返晒嚟!城市獵人劇場版 2019 下月上映
    童年回憶返晒嚟!城市獵人劇場版 2019 下月上映
    相信唔少 70、80 後嘅網友,對於《城市獵人》都有唔少回憶,呢套動畫係當時少有,有啲啲鹹嘢、有啲啲賤嘢,而且係少數於深夜時分喺大台播放嘅動畫。最近日本官方上載咗 2019 年新劇場版《城市獵人 新宿 Private Eyes》嘅預告片,預告入面仲有怪盜貓眼三姊妹出現,認真估你唔到。跳轉睇片。
    繼續閱讀
  • 童年回憶崩壞!大陸網民低成本《超人迪加》山寨版
    童年回憶崩壞!大陸網民低成本《超人迪加》山寨版
    相信唔少網友細個都有睇過日本嘅特攝片,無論係幪面超人還是鹹蛋超人,睇完之後都可能心裡面有扮超人變身打怪獸嘅衝動。大陸有班網民就秉承馬老師口中,山寨好過正版嘅精神,用超低成本拍攝山寨版超人特攝片。雖然好多穿崩位,但睇過嘅網友唔少都大讚,話係誠意之作。跳轉睇片!
    繼續閱讀
  • 搶劫遇到格鬥高手!巴西笨賊被職業選手打到變豬頭
    搶劫遇到格鬥高手!巴西笨賊被職業選手打到變豬頭
    巴西治安麻麻人所共知,旅遊人士可以選擇唔去巴西,但當地嘅人卻要照常生活。上星期六晚,一名搶匪在里約熱內盧睇中了身形纖瘦的 Viana,趁著對方喺屋企門口等 Uber 之際,鬼鬼祟祟藉詞問時間,走近 Viana 要脅交出手機,又叫佢唔好輕舉妄動,因為自己身上有槍。點知,搶匪呢個決定竟然成為佢惡夢嘅開始。跳轉話你知詳情。
    繼續閱讀
  • 超市廣告集合經典電影名車,你認得幾多部?
    超市廣告集合經典電影名車,你認得幾多部?
    最近美國連鎖超市集團 Walmart 積極推廣網上購物,自己取貨的服務,為了宣傳,花了重金製作咗一條吸引全球車迷同電影迷嘅廣告。喺分半鐘嘅廣告短片中,出現了大量經典電影嘅汽車,由蝙蝠車、變形金剛大黃蜂、捉鬼敢死隊嘅捉鬼車,甚至反斗車王都有,廣告日前上載後,網民馬上瘋傳,短短兩日就有超過 1,500 萬次點擊。跳轉你都睇下!
    繼續閱讀
  • 小學雞回憶返晒嚟!瀡樓梯扶手有 Airbags 先好試
    小學雞回憶返晒嚟!瀡樓梯扶手有 Airbags 先好試
    唔知網友們細個有冇試過?版主虎仔間小學樓梯好闊,中間由一條扶手隔開。每到小息或放學,就好多小學雞用身體唔同部份夾實扶手,然後雙腳一撐,用力由上層沿著扶手好似瀡滑梯咁,瀡落下一層。呢種玩法人大咗當然唔會再試,不過日本有位賽車女郎兼寫真女星渋谷ゆり就唔多聽話,恃住自己有兩個「Airbags」,竟然唔怕危險,咁大個人都玩瀡樓梯扶手。跳轉睇下佢嘅罪證。
    繼續閱讀