最新消息!Apple iPhone 行貨到港有望

【2008-05-29】今次史提芬夫 iPhone 消息比較特別,走出了專欄到了手機報香港頭條區,因為剛剛史提芬夫收到新消息,香港已有公司宣佈會在不久將來,推出 Apple iPhone,我亦立即找出線人問過究竟,詳情如何,立即 Click 入睇睇!
[文字/史提芬夫]

大家對這篇文章有任何意見想發表,歡迎到 史提芬夫 的 iPhone 秘技,主持人史提芬夫會跟各位網友傾過夠!

3 香港賣 iPhone
剛收到來自香港和記電訊的最新新聞稿:「3 將於香港和澳門引入 iPhone,香港和澳門,二○○八年五月二十九日─和記電訊(香港)有限公司今日宣佈,經已與蘋果簽訂協議,於本年稍後在香港和澳門引入iPhone。」清清楚楚,簡簡單單,換句話說,3 香港會成為會賣 iPhone 的網絡供應商。


▲ 史提芬夫收到消息,已有香港傳媒表示會於六月九日,親身到美國三藩市,參予採訪 Apple Worldwide Developer Conference WWDC08,推出 3G iPhone 機會,又進一步提高了。

是否獨賣是個謎
小弟當然立即找出 3 香港的公關朋友問清楚,他們學了 Apple 的神秘作風,三緘其口。是否賣 3G 版?係咪全港獨賣?他們只回覆:「暫時並沒有進一步資料。」


▲ 多個國家都宣佈多於一間網絡商會賣 Apple iPhone,到底香港會如何呢?其他網絡商,若你有份賣 iPhone,齊齊發聲明吧!

最高收費 $488?
不過,史提芬夫亦從朋友 (很準確的消息人士) 口中得知,3 香港應該會用優先認購的方法賣 iPhone,仲話要係 3 仔客才能優先買得到。咁我咪要轉定台等行貨 iPhone?!。先不講 3 香港網絡是否最優質,但 iPhone 除了有型,要玩爆它,都一定要上網。3 香港的 Data 收費,係幾個 3G 台中最靈活,少用少收,最平埋單 $28 蚊,玩爆 data 都係 $488,Streaming Video、Email、Download File 全部都包,相信 iPhone 出了,都不會大改變,話唔定要搶客,有更抵玩 Data Plan。


▲iPhone 的 Safari、Email、YouTube、Google Map 應用,全部要連上網!若果網絡商不推出便宜的上網套餐,玩 iPhone 每月也會好花錢。

大家對這篇文章有任何意見想發表,歡迎到 史提芬夫 的 iPhone 秘技,主持人史提芬夫會跟各位網友傾過夠!