說的是 Keepa，好多年前我已經有用過佢，係一個好實用嘅 Chrome 擴充工具，可以幫你追蹤每個 Amazon 商品嘅價格，方便用家可以查看價格嘅變化以及歷史價格，判斷而家呢個價錢係唔係抵玩，係唔係入手嘅最好時機。
而呢個 Keepa 使用方法都相當簡單：
001：點擊呢度下載 Keepa Chrome 擴充工具。
002：選擇「加入至 Chrome」，之後你可以將 Keepa 呢個擴充功能釘選喺工具列上面。
003：點擊一下工具列 Keepa 嘅圖標，可以進入 Keepa 網站，入面有好多 Amazon 嘅促銷產品資訊，不過實際使用平時唔需要入到去佢哋網站。
004：前往任何地區嘅 Amazon，如果你有睇啱嘅產品，只要撳入去產品購物頁面，例如 Doogee S51 智能手機。
005：向下滑你會見到多了一個圖表，顯示價格的變動，我們可以看到 Doogee S51 這部手機，在 8 月嘅時候曾經做過而家呢個價，但 8 月尾就加咗價，來到 11 月先跌返落去。你可以設定查看時間範圍係以月計、每 3 個月計，或者全部時間。
