有騙徒可能會用自己嘅 QR Code，掩蓋咗停車計時器上嘅 QR Code，然後當有車主要入錶，就可能會掃咗佢，又或者有啲狡猾嘅騙徒，會通過短信或者電子郵件，向你發送 QR Code，並編造任何理由說服你去掃描佢。當你掃描咗 QR Code 之後，可能會將你帶到去一個看似真實，但又唔係真實嘅詐騙網站。如果你登入咗呢啲呃人嘅網站，佢可能會竊取你輸入嘅任何資訊，或者 QR Code 可能會同你安裝咗一啲惡意較件，喺你發現之前已經偷咗你嘅資料。
如何保護自己免受 QR Code 詐騙
有五種方法可以用來發現惡意 QR Code，並防止詐騙者利用佢哋獲得嘅資料，存取你嘅線上帳戶。當中包括：1. 使用 iPhone 的相機應用程式掃描 QR Code，而不是控制中心入面提供嗰個 QR Code 掃描器，因為相機會喺進入 URL 之前，已預覽嗰條 URL 連結。
2. 檢查 QR Code 想要帶你去嘅連結是否有問題，例如有無串錯字。
3. 唔好亂咁掃描短信或 email 收到嘅 QR Code。
4. 保持你嘅 iOS 系統最新狀態。
5. 對你的線上帳戶使用多重身份驗證。
另外，QR Code 產生公司 QRFY 向聯邦貿易委員會進一步建議：不要下載 QR Code 掃描應用程式，因為 iOS 同埋 Android 相機 App 已經可以自動掃描 QR Code，無必要再額外下載其他應用程式，亦唔需要下載第三方應用程式去產生 QR Code，因為而家已可以用 iPhone、iPad 或者 Mac 上嘅捷徑，完成呢項操作。
來源：Apple Insider