其實呢單新聞我覺得都幾好笑，即係我哋打機，都會將現實同遊戲分開，現實世界唔鍾意戰爭、槍戰，同我鍾意玩 PUBG 遊戲世界入面嘅槍戰，係無衝突，大家認唔認同呢點先？但喺韓國，有一個男子就話因良心拒服兵役，最後被判入獄。
因為良心，反對一切戰爭和暴力，唔去服兵役，但點解法院會拒絕佢呢個申訴呢？其中一個原因，係法院表示呢名男子並無真正喺任何地方傳播呢啲信仰，即係無同人講過自己係和平主義者，或者無加入支持一啲和平或者非暴力嘅組織；而法院指出另一個原因係，呢名男子成日會玩 PUBG《絕地求生》，係一款關於喺虛擬現實中用槍殺死其他角色嘅遊戲，令法院質疑佢嘅良心拒服兵役係咪事實，同佢所講「反對一切戰爭和暴力」嘅主張相違背。
事實上，我會覺得現實同遊戲世界係要分得開，我鍾意喺遊戲世界入面玩槍 Game 又點？遊戲世界入面射死咗啲角色，唔代表佢殺咗人，唔會有心理負擔，遊戲就係遊戲，但事件中呢名男子，因為平時有玩戰爭 Game，但現實因為良心拒絕服兵役，最後就被判處一年零六個月監禁，我自己會覺得有啲唔合理。唔知網友又點睇呢件事呢？
來源：Techdirt