![內文.jpg 內文.jpg](https://timgm.eprice.com.hk/hk/mobile/img/2024-03/03/223050/eprice_1_0ffbbb0508e279d12bd0221eb6045d54.jpg)
Netflix 最平價十大國家排名
為大家推介一個叫 Comparitech 嘅網站,裡面其中一篇文章《Which countries pay the most and least for Netflix?》中,可以見到有唔同國家唔同方案嘅月費比較,我們可以見到基本版、標準版以及高級版,各自最平價嘅 10 個國家,無論係基本版、標準版定係高級版,最平嗰兩個國家,都係巴基斯坦同埋埃及,去到第三名,基本版和高級版都係印度,但標準版嘅話,第三名就係土耳其。![基本版](https://timgm.eprice.com.hk/hk/mobile/img/2024-03/03/223050/eprice_8_45b86f0ad62e903a5fb435e81e73313d.png)
![標準版](https://timgm.eprice.com.hk/hk/mobile/img/2024-03/03/223050/eprice_8_a0379a5ca5c927fbef80df7961a7db5b.png)
![高級版](https://timgm.eprice.com.hk/hk/mobile/img/2024-03/03/223050/eprice_8_a028a8ea6fd8b6736c20e0b347f6f820.png)
不過,好老實,頭 10 名國家並唔係重點,好多時我哋都係睇邊度平,課邊度,而我哋就可以用 VPN 轉去嗰個國家,再上 Netflix 去課金。咁係唔係課巴基斯坦就啱呢?佢係最平,但要注意嘅係,巴基斯坦香港人係課唔到,佢需要當地嘅信用卡進行課金,所以根據版主嘅經驗,我會建 議 VPN 去埃及,不過我記得早前突然之間 VPN 上埃及 Netflix 上唔到,所以搞到我換咗去土耳其,但其實標準版每個月都係二十幾三十幾蚊,比起香港版已經平咗好多。
如需當地電話號碼進行一次性驗證,有乜方法?
不過要注意嘅係,你 VPN 去埃及課 Netflix,我之前唔知關唔關我係開咗個新 account 事,係需要我入返個埃及電話號碼收 SMS 驗證,我哋香港人正常就無埃及電話號碼,但我之前就透過一個叫 SMS-MAN 嘅網站 (好似係大陸網站嚟,要唔要用自己決定),裡面有「租用」電話號碼嘅服務,不過要收費,我之前充咗 10 美金,收一次埃及電話號碼要 0.22 美金,貴就唔算貴,長遠睇我覺得都會有用。![螢幕截圖 2024-03-05 下午5.38.01.png 螢幕截圖 2024-03-05 下午5.38.01.png](https://timgm.eprice.com.hk/hk/mobile/img/2024-03/03/223050/eprice_3_e61ebeac78bed7dad73328a7f44e22c0.png)
經 ShopBack 免費用 Surfshark VPN / NordVPN 仲有錢賺
最後,用乜嘢 VPN 最好?版主自己就用緊 Surfshark VPN,就覺得幾好,當然最初係為咗平先會買佢,因為如果經 ShopBack 呢個平台 (按呢度重新了解下乜係 Shopback),簡單嚟講呢個平台係畀你用信用卡網店消費,除咗可以賺到信用卡回贈,仲可以賺到 Shopback 嘅額外現金回贈,而喺呢個平台入面,新註冊客戶購買 Surfshark VPN,平時都會有 100-115% 現金回贈,變相免費送一年 VPN 你用,仲額外送錢畀你洗。版主用 Surfshark VPN 都應該快有大半年,如果一年用完點算呢?除咗 Surfshark VPN,Shopback 平台入面仲有 NordVPN 嘅現金回贈,而家最新現金回贈優惠為 115%,相比起 Surfshark VPN 仲平,所以就算 Surfshark VPN 用完,我下年又可以轉用 NordVPN,反正我主要用 VPN 嘅用途,都係用嚟課 Netflix 或者 YouTube Premium,同埋用 ChatGPT。
最重要嘅係,如果你仲未係 ShopBack 客戶,下載 ShopBack 輸入手機號碼,並輸入推薦碼「dveeYJ」,又或者按呢條 Link 申請,仲可以獲得額外 $30 獎賞,即係申請就有 $30!你仲唔快啲去申請購買 VPN?
![螢幕截圖 2024-03-05 下午6.04.20.png 螢幕截圖 2024-03-05 下午6.04.20.png](https://timgm.eprice.com.hk/hk/mobile/img/2024-03/03/223050/eprice_3_0ee0e2ddadd8821d411cf944f1800e91.png)