荃灣豐澤特賣場開放 Walk in 入場
荃灣豐澤特賣場仲有 6 日嘅時間，但佢哋今日就已經宣佈，最後呢 6 日唔需要登記會員，開放畀用家 Walk in 入場去搶，當中佢哋推介嘅必買產品，包括有 Apple MacBook Air M2 晶片，由建議零售價 $8999 減至 $4899，仲有三星 Galaxy Tab S6 Lite 平板電腦，由建議零售價 $2988 減至 $1196，而且仲有一些家電產品。但有留意版主文章都知道，豐澤特賣場唔止咁少嘢賣，仲有好多無提及但有出現喺特賣場嘅筍貨，事實上上次我去特賣場直擊時，我本來對 Marshell 一對無線耳機覺得好心動，$800 左右就買到靚聲耳機，其實幾吸引到我，畢竟耳機應該好少會人會試聽，多數都係全新，可惜嗰陣最後版主為咗慳錢，打消咗呢個念頭。唔知大家去到特賣場，又有無乜嘢產品吸引到你去入手呢？
特賣場日期: 2024 年 4 月 5 至 4 月 14 日 特賣埸時間: 早上 11:30 至晚上 8:00 店舖地址：荃灣眾安街 57-63 號周氏商業中心 3 樓