版主收風:HMD Global 將在香港推自家品牌智能手機?
根據版主收風情報表示,HMD Global 嚟緊將會喺香港推出智能手機,雖然目前未確定香港會推出邊一部,不過可以肯定嘅係,佢哋唔會放棄智能手機市場,只不過係摵甩 Nokia 呢個名,用自己品牌去搞。嚟緊佢哋會喺香港推智能手機,可能會係 HMD Global 自家第一部智能手機,亦有可能係最近傳得好勁嘅新版 Lumia 920 智能手機。不過,如果真係搣甩咗 Nokia 呢個名,由 HMD Global 推出嘅智能手機,又可唔可以吸引到用家去入手呢?咁就要睇下佢哋用乜嘢市場策略,如果採取平價措施,又係大玩性價比打小米紅米,可能都有一定吸引力。唔知網友又點睇呢?