Momax 推出 25000mAh 大電尿袋！支持 145W 輸出，可叉 Macbook 或其他筆電

左定坤 (Cho Ting Kwan) 2024-07-29 16:29 | 手機綜合區

如果平時買手機配件，我比較鍾意用 Momax，一來 Momax 係一個香港品牌，自己香港人當然要支持返香港人，其次就係，Momax 推出唔少實用又有特色嘅產品，我自己屋企都用唔少，好似最近買返隻 Apple Watch，我又拎返以前嘅 Airbox 出嚟用，又或者去旅行，我都會用佢哋旅行插頭，仲有 MagSafe 尿袋，有時出街叉 iPhone 都會用佢。而最近 Momax 又推出一款令我感興趣嘅尿袋，唔單止有 25000mAh 大電，而且仲支持 145W 輸出，用來叉 MacBook 或者其他筆電都得，想知詳情，看下文吧！

Momax 新尿袋！25000 電支持 145W 輸出

Momax 宣佈推出首款支援 Power Delivery (PD) 3.1 快速充電技術「1-Power 系列」145W 充電器，以金屬感鈦灰色拼以黑色，融合工業風與富現代感嘅設計，並具有數字顯示屏，可以實時清晰顯示充電狀態以及剩餘電量。

除咗內置 25000mAh 特大容量，而且仲可以為單一產品提供最高 140W 充電功率。設計團隊引入咗支援 Power Delivery 3.1 快速充電技術，並在尿袋上設有兩個 USB-C PD 插口以及一個 USB-A QC 接口，可同時為三台 on-the-go 電腦設備充電。無論係筆電、平板定係手機，呢個尿袋都可以提供穩定以及強勁嘅輸出，去旅行出 Trip 用，都相當實用。唔知大家又對呢款尿袋有無興趣呢？

以下為產品規格資料：