蝕住賣清貨！$30 有 15 日 75GB 超高用量中國數據：超平，但一個地方需注意

左定坤 (Cho Ting Kwan) 2025-06-26 14:50 | 手機綜合區

好多人放假都中意返大陸玩，一來大陸消費平，而且服務態度好，唔少人返大陸會覺得係一個享受。唔係所有網友用緊嘅香港 Plan，都有包中國數據，所以都仍然會有啲退休人士，都仍然會考慮買 SIM 卡。有無諗過，中國數據卡可以去到幾平？$30 有 15 日共 75GB 超高用量數據，啱哂一家大細一齊 share 住用，但有一個地方要注意！想知詳情，睇下文啦！



說的是超譯儲值卡，留意到佢哋最近將一張 CMLink 中國數據卡清貨，只需 $30，開卡後包 15 日中國數據，每日有 5GB 可以用，變相即係有 75GB，呢個價錢相當誇張，一個人可能未必用得盡，但一家大細 share 一齊用，就相當適合。不過有一個地方需要注意，點解賣到咁平，因為佢哋要清貨，買卡後必須在 6 月 30 日之前啟用，啟用後 15 天有效。今日 26 日，變相得返幾日時間，相當之趕，難怪需要蝕住賣。但如果你準備要來個快閃 Trip，不妨可以考慮一下。

廣告

報價查詢：超譯儲值卡