設定網站通知

一卡兩號「不過期」三地儲值卡升級！最平 $98 有 15GB 中港澳數據 + 三地通話分鐘

左定坤 (Cho Ting Kwan) 2025-08-01 14:59 | 手機綜合區
上年四月嘅時候，版主同大家分享過中國電信 CTExcel 推出咗一張「一卡兩號大灣區儲值卡」，雖然唔係十分平，但賣點勝在係「不過期」，適合香港人平時鍾意北上 Shopping 使用。最近呢張「北上 SIM」仲額外會送中港澳三地數據，相同價錢但數據量增加，你又有無興趣入手呢？睇下文吧！

FB.jpeg

「一卡兩號大灣區儲值卡」加送 5GB 數據

中國電信嘅「一卡兩號大灣區儲值卡」面值 $100，剛推出嘅時候，提供三個數據用量計劃，分別係 $98 得 10GB、$188 得 20GB 同 $288 得 40GB，全部計劃仲送 100 分鐘中港澳三地通話分鐘。而家最近就推出新優惠，三個計劃通通加送 5GB 中港澳共用數據，即係分別為 $98 15GB、$188 25GB 以及 $288 45GB，你又會唔會考慮呢？

banner8.dcafd68.jpg

「一卡兩號大灣區儲值卡」有咩賣點？


賣點一：數據「不過期」，用到盡！
呢張儲值卡最大賣點係「不過期」！今個月用唔晒嘅數據，可以留返下個月，甚至下年繼續用，無有效期限制，直到數據用完為止，但根據網友試用後表示，呢張卡需要每 180 日充值一次，即係每半年一次。

賣點二：一卡兩號，靈活升級
另一個賣點係可以升級「一卡兩號」，即係一張 SIM 卡同時有香港同大陸兩個號碼，方便喺三地切換使用。不過呢個功能要額外收費，每日 $1，即一個月 $30，相比 SoSIM 嘅 $19/月大陸號碼稍為貴咗啲。雖然中國電信呢張卡有送 100 分鐘漫遊通話，但同市面上其他網絡商比，吸引力略為遜色，網友要自己計計數啦。

賣點三：中港澳三地通用，無限制上網
呢張卡喺中港澳三地都用到，仲支援 Facebook、YouTube、WhatsApp 等應用，唔會受大陸網絡限制，日常用 App 同香港無分別。數據用晒 5GB 優惠同主計劃數據後，會以 512kbps 限速無限用，瀏覽網頁、WhatsApp 都仲夠用，算係唔錯嘅後備方案。

eprice_4_ad831c1791b1b84c655b2e497ad71754ori.png

注意：香港實名登記係必須！

由於呢張係香港發行嘅儲值卡，根據香港政府規定，使用前要完成實名登記，喺香港同台灣用都係咁。不過登記一次就夠，之後喺中港澳三地用都無需再登記，方便又省心。但如果唔登記，係用唔到嘅，網友記得留意！

邊度買到呢張卡？

想入手呢張「一卡兩號大灣區儲值卡」？版主查咗一輪，中國電信官方網站無網店可以直接買，問咗中國電信客服，現時主要喺深水埗鴨寮街有售，好多舖頭應該都有貨，建議大家親身去搵搵。價錢方面，卡面值 $100，鴨記賣價大約為 $80，計劃收費由 $98 起，而家仲有 5GB 激活優惠，你又會唔會考慮入手呢？

最新新聞