維港海上大巡遊係咩？全球首創藝術娛樂盛事
呢個「維港海上大巡遊」由 AllRightsReserved 策劃，係全球首創嘅海上巨型充氣雕塑展覽，將於 10 月 25 日喺維多利亞港海面登場，之後 11 月 1 日開始巡遊。匯聚咗多個知名 IP 角色，巨型雕塑喺海面遊走，絕對係年度必睇盛事！八達通就同步推出呢個系列，畀 Fans 可以一邊參與活動，一邊擁有呢款限定產品，留住美好回憶。設計可愛到爆！多啦 A 夢漂浮維港海面
八達通今次呢個系列嘅設計主題充滿趣味：多啦 A 夢慵懶地躺喺佢最愛嘅巨型豆沙包上，身邊有 Minidora 陪伴，喺維多利亞港海面悠然漂浮。無論實體卡定手機卡面，都係呢個可愛圖案，作為日常用卡或者禮品、收藏，都超有特色！
售價同購買方式：$128 珍藏卡 + $18 手機卡面
多啦 A 夢 - 維港海上大巡遊珍藏版八達通卡：售價 $128（唔設按金同儲值額），10 月 25 日上午 10 時起，透過八達通 App 同港鐵網上商店預訂，直至 11 月 21 日下午 5 時止。經 App 訂購仲有免郵費優惠，每位客戶限購 3 張！多啦 A 夢 - 維港海上大巡遊手機八達通卡面：售價 $18，10 月 25 日凌晨零時起喺八達通 App 內嘅卡面商店發售。只要有八達通喺 iPhone、Apple Watch 或 Android 版，即時買即時用。